Mattiu 4:24 - Tedim Bible

²⁴ Syria gam sung khempeuhah ama thu kizel ahih manin dawivei mi, sibup mi, khutzaw khezaw mi a kipanin natna satna a tuamtuam a nei mi khempeuh ama kiangah hong kipuak a, amah in a vekpi-in a damsak hi.

Tedim Bible Revision 2017

²⁴ Syria gam sung khempeuh ah ama thu kizel ahih manin dawivei mi, sibup mi, khut zaw khe zaw mi a kipanin natna satna a tuamtuam a nei mi khempeuh ama kiangah hong kipuak a, amah in a vekpi-in a damsak hi.

Mattiu 4:24 Referans Kwoze

Mattiu 17:15

“Topa aw, nong hehpihna-in ka tapa hong damsak in. Amah in sihbup natna nei-in gim mahmah hi. Meikhuk sungah ahi a, tui sungah ahi zongin a puk zel hi.

Mattiu 8:6

“Topa aw, ka nasempa cina-in inn-ah lupna ngakin om a, gim mahmahin taangzo het lo ahih manin hong damsak in,” ci-in a thum hi.

Luka 5:15

Ahi zongin Jesuh’ thu kitheithang semsem zawsop a, ama thu a ngai ding le a natna panun damna a ngah nadingun mi tampi tak a hong pai uh hi.

Luka 2:2

Kuirinias in Syria gam a uksawn hun laitakin hih bangin mi phazah kisimna thu hong piang hi.

Mattiu 17:18

Jesuh in tua naupang’ sung panin dawi a paikhiat nadingin thu pia a, a naupang thakhatin a dampah hi.

Mattiu 15:22

Tua gamah a teng Kanaan nupi khat hong pai-in hong kiko a, “David’ suan, Topa aw, kei hong hehpih in. Ka tanu in dawi vei a, nasia mahmah hi,” ci-in a hong thum hi.

Mattiu 12:22

Tua ciangin mi pawlkhat in Jesuh kiangah mittawt le pau theih loh a thuah dawivei mi khat hong paipih uh hi. Jesuh in amah damsak ahih manin amah hong pauthei-in khua zong hong muthei hi.

Sawltak 10:38

Nazareth khuami Jesuh tungah Pasian in Kha Siangtho le vangliatna pia a, Pasian in a ompihna hangin tua Jesuh in a paina khempeuhah na hoih semin, Dawimangpa in a gimsak mite khempeuh a damsakna thu zong na thei uh hi.

Sawltak 15:23

a nuai-a kigelh bangin lai a puasak uh hi. Tua a lai puaksak uh sungah, “Sawltakte le upate ahi ko na sanggamte un, Antiok khua, Syria gam, le Silisia gam a om thu upna sungah sanggam ahi Gentail mite tungah hopihna kam kong khak uh hi.

Marka 2:3

mihing li in Jesuh kiangah khutlekhezaw mi khat a paipih dingin hong pua uh hi.

Marka 1:32

Tua nitak lam, ni a tum khit ciangin mite in Jesuh kiangah cina khempeuh le dawivei khempeuh a hong paipih uh hi.

Mattiu 4:23

Galilee gam sung khempeuhah Jesuh pai kawikawi a, amau’ kikhopna innte-ah thu hilhin, vantung ki-ukna hangin lungdamna thute hilh a, natna tuamtuam a nei cina khempeuh a damsak hi.

Paikhiatna 15:26

“Note in Topa na Pasian uh thu limtakin na ngaih uh a, ama mai-ah a man nate hihin, ama thupiakte don a, ama ngeina kipte khempeuh na zuih uhleh, Egypt mite’ tungah ka tunsak natnate khat beek note’ tungah kong tungsak kei ding hi. Bang hang hiam cih leh kei pen Topa, note hong damsak pa ka hi hi,” a ci hi.

Sawltak 15:41

Syria gam le Silisia gam nawkin pai-in pawlpite hanthawnin a thahatsak hi.

Luka 4:14

Tua ciangin Kha Siangtho vangliatna tawh a kidimin Galilee gamah Jesuh a ciahkik hi. Tua kiima om gam khempeuhah ama thu kizakim hi.

Marka 1:28

Tua ahih ciangin hih Jesuh’ thu in Galilee gam sung khempeuh thakhatin a zelpak hi.

Mattiu 14:1

Tua hun laitakin Galilee gam sungteng a uksawn kumpi Herod in Jesuh’ thu a za hi.

1 KHANG TANGTHU MASATE 14:17

Tua ciangin David’ minthanna in gam khempeuh zel a, Topa in minam dang khempeuh tungah amah kihtakna a tungsak hi.

1 KUMPI MASATE 10:1

Tu-in Sheba kumpinu in Topa’ min tawh kisai-in Solomon’ minthanna a zak ciangin thudotna haksate tawh amah a ze-et dingin hong pai hi.

1 KUMPI MASATE 4:31

Bang hang hiam cih leh midang khempeuh sangin amah pilzaw a, Ezrah mi Ethan, le Mahol’ tapa Heman, Kalkol, le Darda sangin pilzaw lai a, a kiima minam khempeuh lakah ama minthanna kizel hi.

Joshua 6:27

Tua bangin Topa in Joshua ompih a, gam khempeuhah ama min a thang hi.

Johan 10:21

pawlkhat in, “Dawiveite in hih bangin thu gen thei lo hi. Dawi in mittawte khua musak thei ding ahi hiam?” a ci uh hi.

Mattiu 9:35

Tua bangin khuapite le khuaneute-ah Jesuh pai kawikawi a, a kikhopna uh innte-ah thu hilhin, Pasian’ ukna hangin a lungdamhuai thute gen a, natna nam khempeuh a damsak hi.

Mattiu 9:26

Hih thupiang tua gam khempeuhah a kizel hi.

Mattiu 8:28

Tuili galkhat, Gadara gam a tun ciangin han panin dawivei mi nih hong paikhia-in Jesuh a na dawn uh hi. Tua mi nihte kihtakhuai mahmah ahih manin amaute omna lam tawnin kuamah pai ngam lo uh hi.

2 SAMUEL NIHNA 8:6

Tua ciangin David in Damaskas gam Aram-ah khuacingte a koih hi. Syria mite David’ nasem suak uh a, siah a puak uh hi. Topa in David a paina peuhpeuhah gualzawhna a pia hi.

1 KHANG TANGTHU MASATE 29:2

Tua ahih ciangin ka Pasian’ biakinn dingin ka hih theihzah ciang, phuh dingin onik suang, suangpak, mel tuamtuam a nei suang, suangkang, le suangmanpha nam khempeuh tampi takte banah kham zatna ding nate-ah kham, ngun zatna ding nate-ah ngun, sumngo zatna ding nate-ah sumngo, sik zatna ding nate-ah sik, le sing zatna ding nate-ah sing ka koih khinzo hi.

Mattiu 8:33

Tua vokcingte zong tai-in khuasung tuh uh a, tua dawivei mite’ thu le a thupiang khempeuh a gen uh hi.

Marka 2:4

Ahi zongin mihonpi kinehlua ahih manin Jesuh kiangah paipih thei lo uh hi. Tua ahih manin Jesuh’ omna san inn tungkhum hongletin, a lupna pheek tawh a mipa a khaisuk uh hi.

Marka 2:9

Hih khutlekhezaw mipa kiangah, ‘Na mawhna hong kimaisak khin hi,’ cih ding le, ‘Tho-in na lupna pheek la inla pai dih in,’ cih ding koi baihzaw ahi hiam?

Luka 4:38

Kikhopna inn panin Jesuh paikhia-in Simon’ inn-ah a lut hi. Simon’ sungnu nattunin na gim mahmah a, hih ama natna thu Jesuh kiangah a gensak uh hi.

Luka 5:24

Mihing Tapa in mawhna maisak theih nading leitungah vangliatna nei hi, ci-in na theih nadingun kong lak ding hi,” a ci hi. Tua ahih ciangin khutlekhezaw mipa kiangah, “Tho inla na lupna pheek pua-in na inn-ah ciah in,” a ci hi.

Sawltak 8:7

Mi tampite sung panin dawite nakpitakin kiko-in paikhia uh a, khutzaw khezaw mite zong kidamsak hi.

Luka 7:17

Hih Jesuh thu pen Judea gam sung le a kiim gam khempeuhah kizel hi.

Sawltak 28:9

Hih bangin a damsak khit ciangin tua tuikulh tunga om cina dang khempeuh zong hong paipih uh a, Paul in amaute a damsak hi.