Mattiu 4:11 - Tedim Bible

¹¹ Tua ciangin Dawimangpa paikhia a, vantung mite hong pai-in Jesuh huhin an a vak uh hi.

Tedim Bible Revision 2017

¹¹ Tua ciangin Dawimangpa paikhia a, vantung mite hong pai-in Jesu huhin an a vak uh hi.

Mattiu 4:11 Referans Kwoze

Mattiu 26:53

Ka Pa kiangah ngen hi leng, vantung galkapte hon sawm le hon nih val, thakhat thu-in hong puakpah theih ding lamtak thei lo na hi hiam?

Hebru 1:14

Vantung mite pen Pasian’ na a sem, a kimu thei lo khate hi uh a, hotkhiatna a ngah ding mite a huh dingin Pasian in a hong sawl ahi hi.

Luka 22:43

Tua ciangin vantung panin ama kiangah vantungmi khat hong pai a, Jesuh’ tha a hatsak hi.

Luka 4:13

Dawimangpa in a hihtheihna khempeuhah Jesuh a ze-et khit ciangin tawlkhat sung a nusia phot hi.

Hebru 1:6

Tua banah, Pasian in leitungah a Tapa neihsun hong paisak ding ciangin, “Pasian’ vantungmi khempeuh in amah bia ding uh hi,” na ci hi.

Johan 14:30

Tu-in hih leitung a ukpa hong tungta ahih manin note kiangah thu kong gen man nawn kei ding hi. Amah in keima tungah aana nei lo hi.

Luka 22:53

Nisimin biakinn-ah note tawh ka omkhawm a, bangmah nong cih kei uh hi. Ahi zongin hih hun pen nomau’ hun hi a, khuamial sung a uk Satan’ vangliat hunsung ahi hi,” a ci hi.

Marka 1:13

Gamlakah ni sawmli sung om a, Satan in tua hun sungteng a ze-et hi. Tua lai-ah gamsa gilote zong om a, ahi zongin vantung mite hong pai-in amah huhin an a vak uh hi.

Mattiu 4:6

“Pasian’ Tapa taktak na hih le Lai Siangtho sungah, ‘Pasian in nang a hong kem dingin a vantung mite hong sawl ding hi. Na khete le suang a kitahkhak loh nadingin vantung mite in a khut uh tawh nang hong dom ding hi,’ ci-in kigelh ahih manin, hih lai panin tuaksuk in,” a ci hi.

1 TIMOTI MASA 3:16

I biakna pen a thuthuk a thulian taktak ahihna thu hih bangin i thei hi: Mihing lim pua-in amah hong kilang a, a man taktak ahihna thu Kha Siangtho in kilangsak a, vantung mite in a mu uh hi. Mi khempeuh tungah ama thu kihilh a, mun khempeuhah ama thu ki-umin, vantungah amah kilato hi.

1 KUMPI MASATE 19:6

Amah khuadak a, ama lutang gei suang sa tungah a ki-em moh khat le tui hai khat na om hi. Amah in tuate ne-in dawnin lumkik hi.