Mattiu 3:9 - Tedim Bible

⁹ ‘Abraham’ suante ihi ngawn hi,’ cihna lungsim nei mawk kei un. Ke’n kong cihin-ah, Pasian in hih suangte nangawn Abraham’ suanlekhakte-in a bawl thei hi lel hi.

Tedim Bible Revision 2017

⁹ ‘Abrahamʼ suante ihi ngawn hi,’ cihna lungsim nei mawk kei un. Keʼn kong cih in ah, Pasian in hih suangte nangawn Abrahamʼ suanlekhakte-in a bawl thei hi lel hi.

Mattiu 3:9 Referans Kwoze

Luka 3:8

Na kisikna uh a kilat nadingin gamta un. Note khatlekhat in, ‘Abraham’ suante ihi ngawn hi,’ mawkcih kei un. Ke’n kong cihin-ah, Pasian in hih suangte nangawn Abraham’ suanlekhakte-in bawl thei lel hi.

Johan 8:33

amaute in, “Kote Abraham’ suanlekhakte ka hi uh a, cikmahin kuama salin ka om ngei kei uh hi. Tua ahih manin bang hangin, ‘Note suakta ding,’ hong cithei na hi hiam?” a ci uh hi.

ROM (Romans) 4:1

Tu-in eite’ pianna i pupi Abraham’ thu ngaihsun ni. Ama tunga thupiang hih bang ahi hi:

Sawltak 13:26

“Abraham’ suan ka behte le Pasian a bia Gentail mi khempeuh aw, hih hotkhiatna thu pen eite a dingin Pasian in a hong puak ahi hi.

Luka 16:24

Tua ahih manin nakpitakin kiko a, ‘Pa Abraham aw, kei hong hehpih in. Meiphual sungah omin nakpitakin gimna thuak ka hih manin Lazaras in a khutme dawn tui diahin ka leii hong votsak nadingin hong sawl in,’ a ci hi.

Johan 8:53

Kote’ pupi Abraham zong si ahih manin amah sangin a lianzaw dingin ki-um na hi hiam? Tua banah kamsangte khempeuh zong si ahih manin nang a kua-in kingaihsun na hi hiam?” a cih uh ciangin

Luka 5:22

Jesuh in amaute’ ngaihsutna thei ahih manin amaute kiangah, “Bang hangin tua bangin ngaihsun na hi uh hiam?

Marka 7:21

Bang hang hiam cih leh mihingte’ lungsim sung panin nungak-tangval mawhnopna, guktakna, mi thahna, zilepasal neisate tawh mawhnopna,

Ezekiel 33:24

“Mihing ahi Ezekiel aw, Israel gam khuapi siate sungah a teng mite in, ‘Abraham, mi khat bek hinapi-in gambup kipia hi. Tu-in eite a tampi ihih ciangin hih gam pen eima a’ hi taktak hi,’ ci uh hi.

Sawltak 15:14

Pasian in Gentail mite lak panin ama mi dingin mi pawlkhat a lakna tawh Gentail mite a kin ahih lamtak a hong lahna thu, Simon’ genna i za zo hi.

Luka 19:40

Jesuh in, “Ke’n kong cihin-ah, hih mite in hong phat loin khawl ta le-uh zong, hih lamdung a suangte in phatin awng veve ding uh hi,” ci-in a dawng hi.

Luka 7:39

Jesuh a sam Farisi mipa in a muh ciangin a lungsim sungah, “Hih pa pen kamsang taktak hileh amah a lawng hih numeinu a bangci mi ahi hiam cih thei ding a, ama gamtat hoih lohna teng zong thei ding hi,” a ci hi.

Luka 12:17

Tua ciangin amah in a lungsim sungah, ‘Ka an khempeuh ka koih nading mun kicing lo ahih manin bangcih ding ka hi hiam?

Johan 8:37

Note pen Abraham’ suanlekhakte na hihna uh ka thei hi. Ahi zongin ka thugente hong um lo na hih manun kei thah dingin nong sawm uh hi.