Mattiu 3:7 - Tedim Bible

⁷ Ahi zongin Farisi mite le Saddusi mite tampi tak tui a kiphum dingin a hong pai a muh ciangin Johan in amaute kiangah, “Gul bangin ngian a zang note aw, a hong tung ding Pasian’ hehna panin na suahtak theih nading uh kua in hong hilhkhol ahi hiam?

Tedim Bible Revision 2017

⁷ Ahi zongin Farisi mite le Saddusi mite tampi tak tui a kiphum dingin a hong pai a muh ciangin Johan in amaute kiangah, “Gul bangin ngian a zang note aw, a hong tung ding Pasianʼ hehna panin na suahtak theih nading uh kua in hong hilh khol ahi hiam?

Mattiu 3:7 Referans Kwoze

Mattiu 12:34

Gul bangin ngian a zang note aw, migilo na hih uh ciangin bangci-in thuhoih genthei mah ding na hi uh hiam? Bang hang hiam cih leh lungsim sunga thu om pen kam in a genkhia hi bek hi.

1 THESALONIKA MASA 1:10

a hong tung ding Pasian’ hehna panin eite a hong honkhia, sihna panin Pasian in a thawhsakkik a Tapa Jesuh, van panin a hong pai ding ngak dingin milim paisanin Pasian’ lamah na kiheina uh thute mi khempeuh in gen belin a nei uh hi.

ROM (Romans) 1:18

Mihingte in a mawhna le a gitlohna hangun Pasian’ thuman seelcip uh ahih manin van panin a hehna hong kilang sakin a gimpiakna dingzia hong kilangsak hi.

Mattiu 23:33

Gul a bang mite’ suanlekhak mite aw, hell khuk tun nading thukhenna panin a suakta dingin bangci-in kilamen thei na hi uh hiam?

ROM (Romans) 5:9

Ama sihna hangin tu-in Pasian tawh kipawlthei ihih manin Pasian’ hehna hangin gimna panin zong hong suaktasak zaw kan lai ding hi.

Mattiu 22:23

Tua ni mahin, misite thawhkikna om lo hi, ci-in a um Saddusi mite pawlkhat Jesuh kiangah hong pai uh a,

Mattiu 16:6

Jesuh in amaute kiangah, “Farisi-te le Saddusi-te’ silngo hoihtakin kidawm un,” a ci hi.

1 JOHAN MASA 3:10

Hih pen Pasian tate le Dawimangpa’ tate a kilamdanna ahi hi. A manin gamta loin, a Khristian mipihte a it lo mi peuhmah, Pasian’ tate hi lo uh hi.

Johan 9:40

Ama kiangah a om Farisi mi pawlkhat in hih bangin a thugenna a zak uh ciangin, “Kote zong a mittaw-in hong ngaihsun na hi hiam?” ci-in a dong uh hi.

Jeremiah 51:6

Babylon khuapi sung panin taikhia un. Mi khempeuh kisuahtak ciat un. Babylon’ mawhna sihpih kei un. Bang hang hiam cih leh a mawhna bangun a thuak nadingun Topa’ thuhkik hun ahi hi.

Jeremiah 6:10

Keimah in ka dawng kik a, “Amaute in a zak theih dingun kua kiangah va gen ding ka hi hiam? En in, a bil uh bing a, khua za thei lo uh hi. Topa’ thu simmawh uh a, lungdamna-in la lo uh hi.

Hebru 11:7

Noah in zong a upna hang mah tawh mailam a thupiang ding a muh theih lohpi mahin Pasian’ thugenna na mang a, teembaw khat bawlin a innkuanpihte tawh na suakta hi. Hih bangin a gamtatna tawh leitung midangte a mawh ahihna kilangsak a, a upna hangin mihoih hihna thu Pasian kiang panin a ngah hi.

Sawltak 26:5

Kote’ biakna sungah a hahkat phadiak Farisi pawl a kicite sunga ka om cil a kipanin ka nuntakzia khempeuh, a gennop nak-uhleh hong genthei ding uh hi.

Sawltak 20:31

Tua ahih ciangin limtakin kiging unla, kum thum sung tawntung khitui naptui tawh note khempeuh ka hong thuhilhna na ciamteh un.

Sawltak 15:5

Ahi zongin Farisi mite sung panin thu um mi pawlkhat in, “Amaute in Moses Thukham zui-in, a vun uh a ki-at nading uh gen ding kisam hi,” a ci uh hi.

Sawltak 5:17

Tua ciangin siampi lianpen pa le amah tawh a kipawl tua lai-a Saddusi mite in sawltakte haza-in thangpai uh ahih manin thu bawl ding a ngaihsun uh hi.

Johan 8:44

Note pen na pa uh Dawimangpa’ tate na hi uh a, na pa uh deihna bangin a gamta nuam na hi uh hi. A kipat a kipanin na pa uh mi that hi a, thuman gen ngei lo ahih manin thuman tawh kipawl thei lo hi. Amah pen zuauna khempeuh a pianna a zuaugen pa ahih manin zuau a gen ciangin ama ngeina hi lel hi.

Johan 1:24

Hih thu a dong mite pen Farisi mite in a sawl uh ahi hi.

Luka 18:11

Farisi mipa dingin thu ngen a, ‘Pasian aw, kei pen midangte bangin a huaiham, a thuman lo, numei tungah a mawh mi ka hi kei hi; hua lai-a siahdongpa bang hi lo ka hih manin nangma tungah ka nuamna kong pulak hi.

Luka 16:14

Sum a deih phadiak Farisi mite in hih thute a zak uh ciangin Jesuh a nuihsan uh hi.

Luka 7:30

Ahi zongin Farisi mite le Thukham hilh siate in Pasian’ deihna nialin Johan khut sungah tui kiphum ding ut lo uh hi.

Marka 12:18

Tua ciangin, thawhkikna om lo hi, a ci Saddusi mi pawlkhat hong pai leuleu uh a,

Marka 12:13

Tua ciangin Jesuh ama kampauna tawh a kimat theih nadingin Farisi mi pawlkhat le Herod mi pawlkhat Jesuh kiangah thudong dingin hong kisawl hi.

Marka 8:15

Jesuh in, “Farisi-te’ silngo le Herod pawlte’ silngo kidawm un,” ci-in a hilhkhol hi.

Mattiu 22:34

Ahi zongin Farisi mite in, Saddusi mite’ thudotna Jesuh in dongkhakin, Saddusi mite in a cih nading mel uh a theih nawn lohna thu a zak uh ciangin Jesuh kiangah a hong pai uh hi.

Mattiu 22:15

Tua ciangin Farisi mite paikhia uh a, a kampauna tawh Jesuh a mat theih nadingun thu a kikum uh hi.

Mattiu 12:24

Ahi zongin Farisi mite in hih thu a zak uh ciangin, “Dawimangpa Beelzebul min tawh dawi a hawlkhia hi lel hi,” a ci uh hi.

Mattiu 5:20

Tua ahih manin Pasian’ deihna bangin gamtat nading thu-ah Thukham hilh siate le Farisi mite sangin na cihtakzawk uhleh vantung ki-ukna sungah a om thei bek ding na hi uh hi.

Isaiah 59:5

Na ngaihsutnate uh gul gunei tui bangin gu a nei hi a, na vaihawmnate uh maimom khau puan tawh kibang lel hi. Gul gunei tui khat sukham lehang adang khat hong tui zel hi.

Piancilna 3:15

Nang le numei kikal na suanlekhakte le ama suanlekhakte kikalah kilangneihna ka omsak ding hi. Amah in na lutang hong sunim ding a, nang in ama khetul na sunim ding hi,” a ci hi.

Hebru 6:18

Tua hi a, a kikheel thei lo thu nih kithuap ahih manin Pasian in zuau gen thei lo ding hi. Tua hi a, amah a beel eite in eite mai-ah hong kikoih lametna thu kiptakin i letcip nadingin i tha hong nuamsak hi.

Mattiu 15:12

Tua ciangin nungzuite in Jesuh kiangah, “Farisi mite in hih na thugen a zak uh ciangin na a sak mahmahna thu uh na thei hiam?” a ci uh hi.

Paunak 28:4

Thukham a zui lo mite in migilote pakta uh a, thukham a zui mite ahihleh migilote tawh kilem lo uh hi.

Mattiu 16:1

Jesuh kiangah Farisi mite le Saddusi mite pawlkhat a hong pai uh hi. Amaute in Jesuh a mawhsak theih nading uh a deihna-in Pasian tawh a kipawl ahihna a lah nadingin lim khat a lah ding a ngen uh hi.