Mattiu 3:5 - Tedim Bible

⁵ Jerusalem khua, Judea gam sung, le Jordan Gun kiim gam panin mite hong pai uh hi.

Tedim Bible Revision 2017

⁵ Jerusalem khua, Judea gam sung le Jordan Gun kiim gam panin mite hong pai uh hi.

Mattiu 3:5 Referans Kwoze

Marka 1:5

Johan’ thuhilhna a ngai dingin Jerusalem khua a kipan Judea gam sunga om mi khempeuhte a hong pai uh hi. Amaute in a mawhnate uh va pulak uh a, Jordan Gun sungah Johan in amaute a tuiphum hi.

Johan 5:35

Johan pen meivak bangin kuangin a taang hi a, ama khuavak sungah tawlkhat nuamsa-in om ding na ut uh hi.

Johan 3:23

Tuiphumpa Johan zong thong kia nai lo hi. Tua hi a, tui tampi omna Salim khua kiang Ainon kici munah Johan in mite tuiphum a, ama kiangah mite hong pai-in tui a kiphum uh hi.

Luka 16:16

“Tuiphumpa Johan’ hun ciang dong Moses Thukham le kamsangte’ thugente pen zuih belin kinei a, ahi zongin Pasian’ Ukna hangin Lungdamna Thu a kihilh hun a kipanin hih thu-ah mi khempeuh hong kituhteh uh hi.

Luka 3:7

Ama tuiphum ding utin a hong pai mi tampite kiangah Johan in, “Gul bangin ngian a zang note aw, hong tung ding Pasian’ hehna panin na suahtak theih nading uh kua in hong gen ahi hiam?

Mattiu 4:25

Galilee gam, Khuapi Sawmte gam, Jerusalem khua, Judea gam le Jordan Gun galkhat gam panin mi tampi tak in Jesuh a zui uh hi.

Mattiu 2:1

Herod in Judea gamah kumpi a sep hun laitakin tua gam sung Bethlehem khua-ah Jesuh a suak hi. A suah khit phetin aksi thu lamsang a siam mi pawlkhat, nisuahna lam panin Jerusalem-ah hong tung uh a,

Luka 3:3

Tua ahih ciangin Jordan Gun kiim gam khempeuhah Johan pai kawikawi a, kamsang Isaiah in Lai Siangtho sungah a gelh mah bangin, “Na mawhna panun kisik unla tui kiphum un. Tua hileh Pasian in na mawhnate uh hong maisak ding hi,” ci-in thu a hilh hi.