Mattiu 28:20 - Tedim Bible

²⁰ Tua ciangin note tungah ka hong gen thute khempeuh a zuih nadingun na hilh un. Hun bei dongin note a hong ompih tawntung ding ka hihna thu phawk ta un,” a ci hi.

Tedim Bible Revision 2017

²⁰ Tua ciangin note tungah kong gen thute khempeuh a zuih nadingun na hilh un. Hun bei dongin note a hong ompih tawntung ding ka hihna thu phawk ta un,” a ci hi.

Mattiu 28:20 Referans Kwoze

Isaiah 41:10

nang hong ompih ka hih manin lau kei in. Na Pasian ka hih manin lungkia kei in. Nang hong thakhauhsakin ka hong huh ding a, nang hong huhin ka hong honkhia ding hi.

Joshua 1:5

Na nuntak sung tawntung kuamah in na mai hong khak zo lo ding hi. Moses tawh ka om mah bangin nang tawh zong kong om ding hi. Nang kong tamasak kei ding a, kong nusia kei ding hi.

Late 46:7

Vanglian Topa eite tawh hong omkhawm a, Jakob Pasian eima belh ahi hi.

Piancilna 39:21

Ahih hangin Topa in Josef ompihin ama tungah itna kip lak a, thong kem pa’ muhna-ah amah maipha a pia hi.

Mattiu 1:23

“Nungak khat gai-in tapa khat nei ding a, ama min dingin Emmanuel kiphuak ding hi,” ci hi. Emmanuel a khiatna in, eite tawh Pasian hong omkhawm hi, a cihna ahi hi.

Mattiu 18:20

Bang hang hiam cih leh keima minin mi nih le thum bek nangawn a kikhopna peuhpeuhah kei ka om hi,” a ci hi.

Late 46:11

Vanglian Topa, eite tawh hong omkhawm a, Jakob’ Pasian, eima belh ahi hi.

Marka 16:20

Nungzuite zong mun khempeuhah pai-in thu a hilh uh hi. Topa in zong amaute’ nasep seppih a, a thuhilhnate uh man hi, ci-in a lahna-in amaute tungah vangliatna limte a pia hi.)

Paikhiatna 3:12

Amah in, “Nang tawh kong om taktak ding hi. Hih pen nangma a dingin nangmah kong sawlna lim hi ding hi: Nangmah in Egypt panin mihingte na paikhiatpih khit ciangin, nang in hih mualtungah Pasian na bia ding hi,” a ci hi.

Kolose 1:28

Tua ahih manin a milip tungah Khrih’ thu ka hilh uh a, Khrih tawh a kipawlna uh hangin a milipin a khangcingin Pasian’ omna-ah ka tunpih theih nadingun a milip tungah hilhin ka genkhol uh hi.

1 KORIN MASA 14:37

Mi khatpeuh in Kha Siangtho hong piak siamna a nei, Pasian thugen ka hi hi, ci-in a kingaihsut leh hih lai ka hong gelhte pen Topa’ thupiakna tawh a gelh ka hihlamtak a phawk ding kisam hi.

2 TIMOTI NIHNA 4:17

Ahi zongin Topa in kei hong ompih a, Gentail mi khempeuh tungah Pasian’ thu a kicingin ka gentheih nadingin thahatna a hong pia hi. Tua ahih manin sih nading thukhenna pan hong suaktasak hi.

Sawltak 2:42

Amaute in sawltakte tung panin thu sinin amaute tawh kikhawl uh a, amaute tawh an nekhawmin, thu zong a ngenkhawm uh hi.

Mattiu 6:13

Ze-etna lian hong thuaksak ke’n. Gilo’ kiang pan hong honkhia in,’ (Uk zawhna, vangliatna, minthanna, na nei tawntung hi. Amen.) ci-in na ngen ding uh hi.

1 KORIN MASA 11:2

Note in kei hong phawk tawntungin ka hong hilh thu khempeuh zui na hih manun ka hong phat mahmah hi.

Mattiu 13:49

Leitung hun bei ciangin zong tua bangmah hi ding hi. Vantung mite hong pai-in mihoihte lak panin migilote lakhia-in,

Late 72:19

A minthang ama min in thupha ngah tawntung hen la, ama minthanna tawh leitung khempeuh kidim tahen. Amen! Amen!

1 KUMPI MASATE 1:36

Tua ciangin Jehoiada’ tapa Benaiah in dawngin, “Hi ta hen! Topa, ka to kumpipa’ Pasian in tua bangin kipsak tahen.

Thu-hilhkikna 12:32

“Note kong thupiak khempeuh na hih ding uh na lim ngaihsut ding uh hi. Na behlap kei ding uh a, zong na khiam kei ding uh hi.

Mangmuhna 22:14

Khuapi kulhkongpi sungah a luttheih nading le nuntakna singgah a nektheih nadingun a puan uh a siangin a sawp mite, mi hampha ahi uh hi.

1 KHANG TANGTHU MASATE 16:36

Israel Pasian, Topa in thupha ngah ta hen, a tawntung pan a tawntung dongin!” zong ci lai un, a ci hi. Tua ciangin mi khempeuh in, “Amen!” ci-in Topa a phat uh hi.

Thu-hilhkikna 5:32

“Tua ahih ciangin Topa na Pasian un note hong thupiak bangin na gamtat ding uh na kingaihsun ding uh a, ama thu panin taklam hitaleh veilam hitaleh ah na pial kei ding uh hi.

2 PETER NIHNA 3:2

Tanglai peka kamsang siangthote’ thugen kholhte le note lakah sawltak na a semte in Topa le Honpa’ thupiakte a hong gensawn uh thute na phawkkik ding uh ka deih hi.

Sawltak 20:27

Bang hang hiam cih leh note tungah Pasian’ thu kong gen loh khat zong om nawn lo hi.

Mangmuhna 1:18

a nungta mipa zong ka hi hi. Kei ka si ngei hi. Ahi zongin tu-in hong en in, a nungta tawntung ka hi hi. Sihna le misite omna gam keima khutnuai ahi uh hi.

1 KORIN MASA 11:23

Bang hang hiam cih leh note kiangah ka hong gen thu pen Topa kiang panin ka ngah thu hi a, tua thu in: Topa Jesuh a kilehhek ding nitakin anlum la-in,

Mattiu 24:3

Oliv Mual tungah Jesuh tu-in a om laitakin a nungzuite guak a tuamin hong pai uh a, “Hih thute cik ciangin hong piang ding a, nang na hong pai ding hun le hun bei nading bang lim hong om ding ahi hiam, hong gen in,” a ci uh hi.

Jeremiah 26:2

“Topa in kong cihin-ah, Topa’ biakinnpi huang sungah va ding inla, Topa’ biakinnpi sungah a bia dinga a hong pai Judah gam khuapite khempeuh kiangah gen dinga kong sawl khempeuh va gen in. Kam khat beek im kei in.

Paikhiatna 8:27

Kote, ni thum paina sehnel gamah pai-in ama hong thupiak ding bangin Topa ka Pasian uh tungah biakna ka va pia ding uh hi,” a ci hi.

Ezekiel 46:10

Gam uk ulianpa zong mihonte mah tawh lutin, amaute mah tawh pusuak khawm ding hi.