Mattiu 27:50 - Tedim Bible

⁵⁰ Tua ciangin Jesuh nakpitakin kiko kikin a si ta hi.

Tedim Bible Revision 2017

⁵⁰ Tua ciangin Jesu nakpi takin kiko kikin a si ta hi.

Mattiu 27:50 Referans Kwoze

Johan 19:30

Jesuh in tua leenggahzu-hau ciamin, “Man khinta hi,” a cih khit ciangin a lu puksukin a si ta hi.

Luka 23:46

Tua ciangin nakpitakin Jesuh kiko a, “Pa aw, nangma khut sungah keimah kong ki-ap hi,” a cih khit ciangin a si ta hi.

Hebru 9:14

tawntung Kha Siangtho hangin Pasian tungah a cingtaak biakpiak nadingin Khrih in a piak ama sisan in na tam semkhia zozaw ding a, a nungta Pasian’ na i septheih nadingin bangmahin a kimang lo nasepna panin ama sisan in i lungsim hong siangsak ding hi.

Marka 15:37

Tua ciangin nakpitakin Jesuh kiko-in a laitat hi.

Mattiu 20:28

Mihing Tapa zong nasem nei dingin hong pai hi loin mi dangte a’ ding na semin, mi tampi tat nading a si dingin a hong pai ahih mah bangin note zong a tuaci ding na hi uh hi,” a ci hi.

Johan 10:11

“Kei, tuucing hoih ka hi hi. Tuucing hoih in a tuute sihpih ngam hi.

Daniel 9:26

Tua hun a bei khit ciangin sathau kinilh pa thuman lopi-in a kithat ding hi. Galsim dingin a hong pai galkapmang lianpa in khuapi le biakinnpi a susia ding hi. A beina pen tuiciin tun bang hi ding a, a tawp dongin galdona le kisiatna vive ahi dingin Pasian in thu a khenzo hi.

Hebru 2:14

Tate a cih mite pen leitung cilesa a nei mite ahih manin, ama sihna hangin sihna a uk Dawimangpa a sukgawp theih nadingin Jesuh in mihing pianzia mah hong nei phot hi.

Mattiu 27:49

Ahi zongin adangte in, “Khawl dih un; amah a honkhia dingin Elijah hong pai hiam ngak dih ni,” a ci uh hi.

Johan 19:29

Tua lai-ah beel khat dimin leenggahzu-hau om ahih manin amaute in tua sungah tuihupna diahin puknah hiang dawnah a koih khit uh ciangin Jesuh’ kamah a va tahto uh hi.

Hebru 5:7

Leitungah mihingin Jesuh a omlai-in sihna panin amah a honkhia thei ding Pasian tungah thu ngenin khitui naptui tawh thumin na kiko hi.