Mattiu 27:5 - Tedim Bible

⁵ Tua ciangin amah in biakinn sungah a ngun peekte lawnin paikhia a, amahmah a gui-awk hi.

Tedim Bible Revision 2017

⁵ Tua ciangin amah in biakinn sungah a ngun peekte lawnin paikhia a, a mahmah a gui-awk hi.

Mattiu 27:5 Referans Kwoze

2 SAMUEL NIHNA 17:23

Ahithofel in ama thugen a kizuih loh a muh ciangin a la tutphah vawhin ama khuapi a inn-ah nuak ciah hi. Tua ciangin amah in a innkuan vai hawmsak a, a man ciangin amahmah gui-awk hi. Amah si a, a pa’ hanah kivui hi.

Luka 1:21

Tua hun sungteng, mihonte in Zekhariah na ngak uh a, biakinn sungah sauveipi a om manin lamdang a sa uh hi.

Luka 1:9

Siampite’ hih ngeizel bangin biakna tau tungah, paknamtui kua in hal ding, ci-in ai a kisan ciangin Zekhariah in a ngah hi. Tua ahih manin Topa’ biakinn sungah amah lut a,

Late 55:23

Ahih hangin Pasian aw, dum thuk penna munah amaute na lawnsuk ding a, mi thatte le mi khemte pen amau nuntak ding zah lang hing lo ding uh hi. Ahih hangin keimah in nang ka hong muang ding hi.

JOB (Job) 7:15

Tua ahih manin gui-awk ding ka utzaw a, hih bang ka thuak sangin ka si nuamzaw hi.

JOB (Job) 2:9

Tua ciangin a zi in, “Na upna khiam tuan lo ding na hi hiam? Pasian samsia inla sisuk mai in,” a ci hi.

1 KUMPI MASATE 16:18

Ama hihsa a khialhna, Topa’ muhna-ah a siat gamtatna, Jeroboam’ khekhap a totna, le a hihsa a khialhna, Israel a khialhsakna hangin, a khuapi kila khinta hi, ci-in Zimri in a muh ciangin kumpipa’ inn muanhuai sungah amah pai a, kumpipa’ inn tawh amah mei-in kihalnelhin a si hi.

Thukhente 9:54

Tua ciangin amah in ama hiam a tawisak tangvalpa nawh sapin ama kiangah, “Na namsau dok inla kei hong that in. Tua hikeileh mite in, ‘Numei khat in amah that hi,’ hong ci kha ding uh hi,” a ci hi. A tangvalpa in amah sunletin amah a si ta hi.

Mattiu 26:61

“Hih mipa in, ‘Pasian’ Biakinn susia-in ni thum sungin ka lamkik thei ding hi,’ ci hi,” a hong ci uh hi.

Mattiu 27:6

Ahi zongin siampite in tua ngun peekte tawm uh a, “Hih sumte pen mi thah nadingin a kipia sum ahih manin biakinn sumkholna-ah koih dingin kilawm lo hi,” a ci uh hi.