Mattiu 27:15 - Tedim Bible

¹⁵ Paisan Pawi hun simin Rom gam ukpa in mihonte’ deih thongkia mi khat a khah a ngeina ahi hi.

Tedim Bible Revision 2017

¹⁵ Paisan Pawi hun simin Rom gam ukpa in mihonteʼ deih thong kia mi khat a khah a ngeina ahi hi.

Mattiu 27:15 Referans Kwoze

Sawltak 25:9

Jew mite’ pahtak ding ut ahih manin Festas in Paul kiangah, “Jerusalem khua-ah va pai-in, keima mai mahah hih thute tawh kisai-in thusitna hong kinei leh na ut hiam?” ci-in a dot ciangin

Sawltak 24:27

Ahi zongin tua zawh kum nih hong bei ciangin Feliks sepna pen Porsias Festas in hong laih hi. Feliks in Jew mite’ pahtak ding ut ahih manin thong sungah Paul a omsak suak hi.

Johan 19:16

Tua ahih ciangin singlamteh tungah thah dingin amaute’ khut sungah Jesuh a pia ta hi.

Luka 23:16

Tua ahih manin amah satna tawh thuhilhin ka khah ding hi,” a ci hi.

Mattiu 26:5

Amaute in, “Buaina lianpi hong omkha thei ding ahih manin hih pawi hun sungin hih kei ni,” a ci uh hi.

Mattiu 27:16

Tua hun laitakin a gilo mahmah Barabbas a kici mi khat thongkia-in a om hi.

Luka 23:17

(Paisan Pawi hun simin Pilat in amaute’ deih thongkia khat a khah ding ahi hi.)

Luka 23:18

Tua ciangin mihon khempeuh kiko uh a, “Amah that in! Barabbas hong khahsak in!” a ci uh hi.

Johan 18:16

Ahi zongin Peter ahihleh kong pualamah a khawl hi. Tua ahih manin siampi lianpen pa tawh a kithei nungzui dang khat pa zong va pai kikin kongcing numei a hopih khit ciangin Peter zong a tumpih hi.