Mattiu 27:1 - Tedim Bible

¹ A zingsang ciangin siampi liante le upate in Jesuh a thah nading uh a vaihawm uh hi.

Tedim Bible Revision 2017

¹ A zingsang ciangin siampi liante le upate in Jesu a thah nading uh a vaihawm uh hi.

Mattiu 27:1 Referans Kwoze

Marka 15:1

A zingsang ciangin siampi liante in upate, Thukham hilh siate, le ulian dang khempeuh tawh thu kikupna khat nei uh a, Jesuh a henkhit uh ciangin paikhiatpihin Pilat tungah a ap uh hi.

Johan 18:28

Tua ciangin Kaiafas’ inn panin gam ukpa Pilat’ omna kumpi inn-ah Jesuh a paipih uh hi. Tua hun pen zingsang tung ahi hi. Jew mite ahihleh Paisan Pawi annekna sungah kihel nuam uh ahih manin biakna vai-in a siang a suahtheih nadingun kumpi inn huang sungah lut lo uh hi.

Luka 22:66

Khua a vak ciangin upate, siampi liante, le Thukham hilh siate hong kikhawm uh a, uliante mai-ah Jesuh hong kipaipih hi.

Micah 2:1

A lupna tungah lumin gitlohna a geelgeelte in gimna ngah tahen. Zingsang khua a vak ciangin, hihtheih ding hun a ngah phetun, a ngaihsutsa uh gitlohna a semkhia uh hi.

Late 2:2

Leitung kumpite le gam ukte in Topa le ama sathau nilh pa langpangin vaihawm uh a,

Mattiu 23:13

“Mihoih a kineihkhem, no Thukham hilh siate le Farisi mite in gimna na thuak ding uh hi. Note in vantung ki-ukna sungah mite a lut theih loh nadingin kong na khakcip uh hi. Note lah na lutnuam kei uh a, a lutnuamte lah na lutsak kei uh hi.

Sawltak 5:21

Ama gen mah bangin sawltakte zong zingsang ciangin biakinn-ah pai-in thuhilh ding a kipan uh hi. Siampi lianpen pa le ama kikholhpihte in ulian kikhopna a cingtaak khat a omtheih nadingin Jew mi upa khempeuh a kikhop nadingun a sam uh hi. Tua khit ciangin thong panin sawltakte va kai-in uliante mai-ah a hong paipih nadingun palikte a sawl uh hi.

1 SAMUEL MASA 19:11

A zingsang ciangin amah a thahtheih nadingin tua zanin Saul in amah a vil dingin David’ inn-ah mi sawl hi. Ahih hangin David’ zi Mikhal in ama kiangah, “Tuzanin na nuntakna na suahtak kei leh, zing ciangin nang hong kithat ding hi,” a ci hi.

Thukhente 16:2

Gaza mite kiangah, “Samson hong pai,” ci-in kigen a, amaute in tua khua umcihin khuapi kulhkongpi-ah zan tawntung amah pangsim uh hi. Amaute zan tawntung daitakin om uh a, “Zingsang khuavak mateng ngak ni; tua ciangin amah that ni,” ci uh hi.

Late 31:13

Ka galte’ kihuauna ka za a, ka kiim ka pamah launa om hi. Kei hong langpangin amaute in vai hawmkhawm a, thah dingin kei hong sawm uh hi.

Late 71:10

Bang hang hiam cih leh ka galte kihoho-in, keimah hong thahnopna thu kikumkum uh hi.

Luka 13:1

Tua laitakin tua lai-a om mi pawlkhat in Jesuh kiangah, Galilee mite in Pasian kiangah biakna pia-in a om laitakin Pilat in a thah mite’ thu a gen uh hi.