Mattiu 26:72 - Tedim Bible

⁷² Peter in zong nialkik a, “Hua mipa ka theih taak leh,” ci-in a kiciam hi.

Tedim Bible Revision 2017

⁷² Peter in zong nialkik a, “Hua mipa ka theih taak leh,” ci-in a kiciam hi.

Mattiu 26:72 Referans Kwoze

Luka 22:34

Tua ciangin Jesuh in, “Peter aw, ke’n a mantakin kong genin-ah, ‘Amah ka thei kei hi,’ ci-in thumvei nong nialkhit matengin tuni-in ak khuang lo ding hi,” a ci hi.

Mattiu 26:74

Tua ciangin Peter kiciam a, “Hua mipa ka thei kei hi. Zuauthu ka gen taak leh Pasian in kei hong dawm kei ta hen!” a ci hi. Tua khitzawh phetin ak hong khuangta hi.

Malakhi 3:5

Vanglian Topa in hih bangin ci hi: “Note tungah thukhen dingin ka hong pai ding hi; ai tawite, numei tawh a mawhte, a man lopi a teci pangte, numeite’ thaman piakna-ah khemna a zangte; meigong, tagah, le gamdang mite a zawhthawh bawlte, le kei hong zahtak lo mi khempeuhte’ langkhatah thakhatin teci pangin thu ka khen ding hi.

Zekhariah 8:17

Khatlekhat kisiatsakna ding vaihawm kei unla, a man lopi-in teci pangin kiciam kei un. Zuauna, thuman lohna, le kibawlsiatnate ka deih kei hi,” hong ci hi.

Isaiah 48:1

Israel min tawh a kilo, Judah sung panin a piangkhia, Topa’ min tawh thu ciam napi-in, thuman thutak tawh Israel Pasian a pulak lo Jakob innkuan aw, hih thu ngai un.

Paikhiatna 20:7

“Topa note’ Pasian’ min a sia lamin na zang kei ding uh hi. Bang hang hiam cih leh Topa in ama min a zang khialte gim pia ding hi.

Mattiu 26:71

Tua ciangin Peter zong inntual pualamah a paikhiat leh numei dang khat mah in mu ahih manin a gei-a omte kiangah, “Nazareth khuami Jesuh tawh hih mipa kikhawl hi,” a ci hi.

Mattiu 26:73

Tuazawh a sawt loin a gei-a omte khat in Peter kiangah, “Na kampau zia uh kibang ahih manin nang zong hua mite tawh a kipawl mah na hi takpi hi,” a ci leuleu hi.