Mattiu 26:54 - Tedim Bible

⁵⁴ Tua bangin kivaikhak hi zenzen leh Lai Siangtho in tu-a bangin a pian nading a gen pen bangci tuntheih ding ahi hiam?” a ci hi.

Tedim Bible Revision 2017

⁵⁴ Tua bangin kivaikhak hi zenzen leh Lai Siangtho in tu-a bangin a pian nading a gen pen bangci tun theih ding ahi hiam?” a ci hi.

Mattiu 26:54 Referans Kwoze

Zekhariah 13:7

“Namsau aw, ka tuucingpa a su dingin kipan inla, kei tawh nasem khawm pa langpang in. Tuucingpa sat in. Tuute kithehthang ding a, ka tuute gim ka pia ding hi.

Mattiu 26:24

Mihing Tapa ahihleh Lai Siangtho sungah a kigelhsa mah bangin a si ding ahi hi; ahi zongin Mihing Tapa a lehhek pa in gimna thuak ding hi. Tua mipa pen a piang vet lo hileh ama a dingin hoihzaw ding hi,” a ci hi.

Sawltak 1:16

“Lawmte aw, Jesuh a mante lam a lak Judas thu, Kha Siangtho in David’ kam panin a genkholhna Lai Siangtho sung thu a tun ding kisam hi.

Johan 10:35

Lai Siangtho sungah a kigelh thute a tawntungin a thuman hi a, Pasian’ thu a ngah mite pen Pasian in, ‘pasian-te,’ na ci hi.

Mattiu 21:42

Jesuh in amaute kiangah, “Lai Siangtho sungah, ‘Innlamte in a nilkhiat suang pen innkiu suang bulpi suak khinta hi. Hih pen Topa’ bawl hi a, i muh ciangin lamdang i sa hi,’ ci-in a kigelhna sim ngei lo na hi uh hiam?