Mattiu 26:41 - Tedim Bible

⁴¹ Ze-etna-ah na puk khak loh nadingun thu ngen un. Lungsim in ze-etna nang nuam napi-in pumpi in nangzo lo hi,” a ci hi.

Tedim Bible Revision 2017

⁴¹ Ze-etna ah na puk khak loh nadingun thu ngen un. Lungsim in ze-etna nang nuam napi-in pumpi in nang zo lo hi,” a ci hi.

Mattiu 26:41 Referans Kwoze

Luka 22:46

Jesuh in, “Bang hangin ihmu na hi uh hiam? Tho unla ze-etna-ah na pukkhak loh nadingun thu ngen un,” a ci hi.

Marka 14:38

Tua ciangin amaute kiangah, “Ze-etna-ah na pukkhak loh nadingun pilvangin thu ngen un. Lungsim in ze-etna nangnuam napi, pumpi in nang zo lo hi,” a ci hi.

Efesa 6:18

Kha Siangtho tawh kopin a tawntungin Pasian kiangah na kisapna khempeuh uh ngenin na thum unla, tatsat loin Pasian mi khempeuh a dingin thu na ngetsak un.

Mattiu 6:13

Ze-etna lian hong thuaksak ke’n. Gilo’ kiang pan hong honkhia in,’ (Uk zawhna, vangliatna, minthanna, na nei tawntung hi. Amen.) ci-in na ngen ding uh hi.

Luka 21:36

Hih thupiang khempeuh thuakzawh nading thahatna na neih nading uh, le Mihing Tapa mai-ah na dintheih nadingun a tawntungin thu ngenin vil niloh un,” a ci hi.

Mangmuhna 16:15

(“Na ngai un! Guta bangin kei ka hong pai hi. Mihon lakah guaktangin pai-in maizumna a ngahkhak loh nadingun a puante uh kemin, pilvang khuaphawkin a om mite a hampha ahi uh hi.”)

1 KORIN MASA 16:13

Kiging tawntungin na upna uhah kip unla, thahatin hang un.

1 PETER MASA 5:8

Note pilvangin khua phawk un. Na gal uh ahi Dawimangpa, humpinelkai bangin a nektheih ding zongin vak kawikawi hi.

1 KORIN MASA 10:13

Na tuah uh ze-etnate khempeuh pen mite’ tuah ngeingeite mah ahi hi. Pasian in citakin a thuciamna lenkip ahih manin note’ thuak zawh loh ding ze-etna hong tuaksak lo ding hi. Ze-etna na tuah hun uh ciangin zong na thuakzawh nading uh thahatna hong guan ding ahih manin na suahtak zawh nading uh lampi hong honsak ding hi.

2 PETER NIHNA 2:9

Tua ahih manin Topa in tua bang mihoihte a gimna uh panin suakta sakin, tua bang migilote Thukhen Ni hun dongin gimna pia-in a koihcip theih nading siamna a nei hi.

Mattiu 24:42

Tua ahih ciangin bang hunin na Topa uh hong pai ding cih thei lo na hih manun na pilvang un.

Mangmuhna 3:10

Note in lungduai takin na thuak nading uh ka hong thupiakna zui na hih manun leitung a a om mi khempeuh ze-et nadingin leitung bupah a hong tung ding lungkhamna panin kei zong note ka hong suaktasak ding hi.

1 PETER MASA 4:7

Na khempeuh a bei nading hun hong naita hi. Nomau pumpi ki-uktawm thei-in pilvang unla, hoihtakin thu a ngen thei-in om ta un.

Luka 22:40

Ama painopna mun a tun ciangin amaute kiangah, “Ze-etna na tuahkhak loh nadingun thu ngen un,” ci-in a gen hi.

Galati 5:24

Tua hi a, Jesuh Khrih a zui mite in a leitung lungsim pianzia uh le a leitung lungsim deihna khempeuh uh a phiat khitsa ahi hi.

1 KORIN MASA 9:27

Kimawlna sungah midangte a kihel dingin a sam hinapi-in tua kimawlna-ah a kihel zo lo mi ka suahkhak loh nadingin ka pumpi seekin hoihtakin ka ki-uk hi.

Mattiu 25:13

“Tua ahih manin a ni le a hun thei lo na hih manun na pilvang un.”

Late 119:32

Keima theihna nong zaisak ciangin nangma thupiaknate lawpna tawh ka zui ding hi.

Mattiu 26:38

Amaute kiangah, “Ka lungsim dahna hangin ka si dektak hi. Hih lai-ah na om unla hong ngak un,” a cih khit ciangin

Late 119:1

Amau’ gamtatna-ah paubaan om loin Topa’ ngeina sungah a gamtate thupha ngah ahi hi.

ROM (Romans) 8:3

Mihingte thahat lo ihih manin Thukham in ahih zawh loh thute Pasian in a hihzo hi. Mawhna a beisak theih nadingin mihingte sunga om mawhna tungah thu a khenna-in ama Tapa hong sawl a, amah pen mihingte’ mawhna lungsim mah a nei-in a hong pai hi.

Luka 11:4

Kote tungah a hong mawhte mawh maisakna ka neih bangun ko’ mawhna zong hong maisak in. Ze-etna lian hong thuaksak ke’n,’ ci-in na ngen ding uh hi,” a ci hi.

Luka 8:13

Suang kitawphah leilak a tukna munte pen Pasian’ thu a zak ciangin lungdam takin a sangte a cihna ahi hi. Ahi zongin amaute sungah thuktum lo ahih manin tawlkhat sung bek um uh a, ze-etna hun a tun ciangin a puk uh hi.

Late 119:117

Ka suahtak theih nading le na ngeina kipte sungah nuamsa-in ka om ngitnget theih nadingin kei hong huh in.

Late 119:115

No, siatna a bawlte aw, Pasian’ thupiakte ka zuih theih nadingin kei kiang panin paikhia un.