Mattiu 26:38 - Tedim Bible

³⁸ Amaute kiangah, “Ka lungsim dahna hangin ka si dektak hi. Hih lai-ah na om unla hong ngak un,” a cih khit ciangin

Tedim Bible Revision 2017

³⁸ Amaute kiangah, “Ka lungsim dahna hangin ka si dektak hi. Hih lai ah na om unla hong ngak un,” a cih khit ciangin

Mattiu 26:38 Referans Kwoze

Johan 12:27

Tua khit ciangin Jesuh in, “Tu-in ka lunggim mahmah hi. Bangcih ding ka hi hiam? ‘Pa aw, hih hun tawh hong kipelhsak in,’ ci ding ka hi hiam? Tua bang cih ding lah hih bang a thuak ding mahin a hong pai ka hi hi.

1 PETER MASA 3:18

Khrih mahmah zong note a dingin si a, Pasian’ kiangah hong tunpih theih nadingin mihoih khat pen mihoih lote’ mawhna hangin khatvei a si hi. Mite in ama leitung pumpi that a, ahi zongin Pasian in kha nuntakna a pia hi.

1 PETER MASA 2:24

Eite, mawhna lamah misi bangin, thuman lamah nungta-in i gamtat theih nadingin Khrih mahmah in eite’ mawhna ama pumpi mahmah tawh singlamteh tungah a pua hi. Ama liamna hangin note in damna na ngah uh hi.

Galati 3:13

Lai Siangtho in, “Sing tungah a kikhai mi peuhmah Pasian’ samsiat mi ahi hi,” na ci ahih manin eite a dingin Khrih in samsiatna a thuak manin Thukham zuihlahna hangin samsiatna panin eite a hong tankhia ahi hi.

Isaiah 53:10

Ahih hangin amah a kisatnim ding pen Topa’ deihna ahi hi. Amah in natna thuaksak hi. Mawhna hangin ama pumpi a kipiak ciangin amah in a suanlekhakte mu ding a, ama khan a sau ding hi. Topa’ deihna ama khut sungah pung ding hi.

1 PETER MASA 4:7

Na khempeuh a bei nading hun hong naita hi. Nomau pumpi ki-uktawm thei-in pilvang unla, hoihtakin thu a ngen thei-in om ta un.

2 KORIN NIHNA 5:21

Khrih tawh i kipawlna hangin eite zong Pasian tawh a kibangin midik i suahtheih nadingin mawhna a nei lo Khrih pen eite’ tang dingin Pasian in mawhnei mi a suaksak hi.

ROM (Romans) 8:32

Ama Tapa nangawn siit loin eite khempeuh a dingin hong piakhia ahih manin, na dang khempeuh zong hong piazaw kan ding hi lo ahi hiam?

Mattiu 25:13

“Tua ahih manin a ni le a hun thei lo na hih manun na pilvang un.”

Isaiah 53:3

Amah pen mite in simmawhin nusia a, gimna le natna a thuak ahi hi. Mite in en nuam loin a mai uh a humsan uh mipa bangin amah kisimmawh a, eite in amah i thusim kei hi.

Late 116:3

Sihna khau in kei hong gakcip hi. Leinuai sihna in kei hong mancip a, natna le lungkhamna ka thuak hi.

Late 42:5

Bang hangin khakunkun a, lunghimawh niloh ka hi hiam? Pasian’ sungah lametna nei ning; bang hang hiam cih leh kei a hong huh ka Pasian ka phatkik ngawn ding hi.

Isaiah 53:12

Tua ahih ciangin amah pen miliante tawh nate ka hawmsak ding a, amah in mihatte tawh nate a hawm ding hi. Bang hang hiam cih leh amah in sihna dongin a nuntakna piakhia a, khialhna a nei mite tawh a kisim khawm hi. Ahih hangin amah in mi tampi’ mawhna pua a, khialhna a neite a dingin a thumsak hi.

Marka 14:34

Amah in, “Ka lungsim dahna lianlua mahmah ahih manin ka si dektak hi. Hih lai-ah om unla na ngak un,” a ci hi.

Solomon la 5:3

Ka puante suah khinzo ing. Ka puante silhkik ding ka hi hiam? Ka khete sil khinzo ing; ninsakkik ding ka hi hiam?