Mattiu 25:46 - Tedim Bible

⁴⁶ Tua ahih ciangin tawntung gimthuakna sungah amaute pai ding uh a, mihoihte ahihleh nuntak tawntungna sungah lut ding uh hi,” a ci hi.

Tedim Bible Revision 2017

⁴⁶ Tua ahih ciangin tawntung gim thuakna sungah amaute pai ding uh a, mihoihte ahihleh nuntak tawntungna sungah lut ding uh hi,” a ci hi.

Mattiu 25:46 Referans Kwoze

Daniel 12:2

A sisa mi tampite in nuntakna a ngahkik ding uh hi. Pawlkhatte nungta tawntung ding uh a, pawlkhatte in a tawntung zumna le minsiatna a ngah ding uh hi.

Johan 3:36

Tua ahih manin Tapa a um mi peuhmah nungta tawntung ding a, Tapa’ thu a mang lote in nuntak mu lo ding a, amaute tungah Pasian heh tawntung ding hi,” a ci hi.

Johan 5:29

han sung panin a hong paikhiat uh hun hong tung ding hi. A gamtat hoih mite pen a nungta tawntung dingin hong thokik ding uh a, a gamtat siate ahihleh mawhsak thukhenna a thuak dingin hong thokik ding uh hi.

Mangmuhna 21:8

Ahi zongin a meidawite, a lehtatte, a lampialte, mi thatte, a paktatte, aisante, milim biate, le zuaugente om nading mun pen sihna nihna ahi kat a kikhulna meiphualpi kuang sung ahi hi,” a ci hi.

Mangmuhna 20:15

A nungta mite a kigelhna laibu sungah a min a om lo peuhmah meiphualpi sungah kilawn hi.

2 THESALONIKA NIHNA 1:9

Ama mite khempeuh le thu um mite khempeuh hangin minthanna le pahtawina a ngah dingin Topa hong pai Ni ciangin a noptuak mahmah Topa’ minthanna huamsung panin amaute kihawlkhia ding a, tawntung suksiatna dan a thuak ding uh hi. Ahi zongin note in ka hong gen uh thute um na hih manun tua nopna sungah na om ding uh hi.

ROM (Romans) 6:23

Bang hang hiam cih leh mawhna in thaman hong piak pen sihna hi a, ahi zongin i Topa Jesuh tawh i kipawl manin Pasian’ hong piakkhong pen nuntak tawntungna ahi hi.

ROM (Romans) 5:21

Tua ahih manin mawhna thahatin hong sihsak mah bangin, i Topa Jesuh Khrih hangin Pasian’ hehpihna thahat zaw lai a, mihoihin hong sangin nuntak tawntungna sung a hong tunpih hi.

Mangmuhna 20:10

Amaute a khem Satan pen ganhing le kamsang zuau pa a omna mun, kat a kikhulna meiphualpi sungah kilawn a, a sun a zanin tua lai munah amaute in gimna a thuak tawntung ding uh ahi hi.

Mattiu 25:41

“Tua ciangin a veilamah a om mite kiangah, ‘Pasian in a samsiat mite aw, keima kiang panin paikhia unla, Dawimangpa le a nungzuite a dingin a kibawl meikuang tawntung sungah pai un.

Sawltak 24:15

Amaute’ up le lamet mah bangin, Pasian in miphate le misiate a kibangin sihna panin hingkiksak khawm ding hi, ci-in umin ka lamen hi.

1 JOHAN MASA 2:25

Khrih in eite tungah piak dingin a hong ciamsa thu pen hih nuntak tawntungna ahi hi.

Galati 6:8

Mi khatpeuh in ama leitung pumpi deihna khaici a vawh leh sihna ngah ding a, Kha Siangtho deihna khaici a vawh leh Kha Siangtho tung panin nuntak tawntungna ngah ding hi.

Luka 16:26

Tua tham loin, i kikalah kuam thukpi khat om a, hih lai panin nang kiangah hong pai nuamte kuamah pai zo lo a, nangma omna panin hih lai-ah zong kuamah hong pai zo lo hi,’ ci-in a dawng hi.

Johan 17:2

Bang hang hiam cih leh Tapa tungah na piak mi khempeuh tungah Tapa in nuntak tawntungna a piaktheih nadingin mi khempeuh tungah ukna aana a neih nadingin Tapa tungah na hong piaksa ahi hi.

Mattiu 19:29

Keima hangin a inn, a sanggam numei, a sanggam pasal, a nu, a pa, a tate, a leitang, khat peuhpeuh a nusiate in a zah zakhat ngahkikin, nuntak tawntungna zong a ngah ding uh hi.

Mattiu 13:43

Tua hun ciangin Pasian’ mite ahihleh a Pa uh Ukna sungah ni bangin a taang ding uh hi. Zak nading bil a neite in hih thu na za ta un.

Juda 1:21

I Topa Jesuh Khrih in a hong hehpihna tawh nuntak tawntungna hong piak ding na ngakkawmun Pasian’ itna sungah na kip un.

Mattiu 19:16

Khatvei, Jesuh kiangah mi khat hong pai a, “Sia aw, nuntak tawntungna ka ngah nadingin bang gamtat hoih gamta ding ka hi hiam?” ci-in a hong dong hi.

Mattiu 25:45

Tua ciangin amah in, ‘Note kiangah kong genin-ah: Hih mite a neupen khat nangawn na huh loh uh ciangin kei a hong huh lo na hi uh hi,’ ci-in a dawng ding hi.

Johan 4:14

ahi zongin keima piak ding tui a dawn khempeuh dangtak kik nawn lo ding uh hi. Tua ka piak tui a dawnte sungah nuntakna tuinak piang ding a, a nungtasak paisuak ding hi,” a ci hi.

Johan 5:24

“A mantakin kong genin-ah: Ka thugennate za-in kei hong sawl pa a um khempeuh a nungta paisuak ding hita hi. Mawhsak thukhenna ngah nawn loin, sihna panin a hingkik ta ahi hi.

Johan 6:27

A ningthei ante ngaihsutin nei masa kei unla, nuntak tawntungna an kan masa zaw un. Pa Pasian in tua an a pia dingin kei hong sehsa ahih manin keimah in note tungah nuntak tawntungna an ka hong pia ding hi,” ci-in a dawng hi.

Johan 6:40

Tua ahih manin Tapa mu-in a um mi khempeuh in nuntak tawntungna ngahin, nitawp ni ciangin ka hinsak ding, ka Pa in hong deih ahi hi,” a ci hi.

Sawltak 13:46

Tua ciangin Paul le Barnabas in hangtakin thu gen uh a, “No Jew mite tungah Pasian’ thu kong gen masak ding mah uh ahi hi. Ahi zongin note in Pasian’ thu nialin, nuntak tawntungna a ngah dingin kilawmzo kisa lo na hih manun, note kiang panin paikhia-in Gentail mite kiangah ka pai ding uh hi.

Sawltak 13:48

Gentail mite in hih thu a zak uh ciangin lungdam mahmah uh a, Pasian’ thu hoih mahmah hi, ci-in a phat uh hi. Nuntak tawntungna a ngah dingin Pasian in a teelsa mite in Pasian’ thu hong um uh hi.