Mattiu 25:45 - Tedim Bible

⁴⁵ Tua ciangin amah in, ‘Note kiangah kong genin-ah: Hih mite a neupen khat nangawn na huh loh uh ciangin kei a hong huh lo na hi uh hi,’ ci-in a dawng ding hi.

Tedim Bible Revision 2017

⁴⁵ Tua ciangin amah in, ‘Note kiangah kong genin ah: Hih mite a neu pen khat nangawn na huh loh uh ciangin kei a hong huh lo na hi uh hi,’ ci-in a dawng ding hi.

Mattiu 25:45 Referans Kwoze

Paunak 21:13

Mizawngte’ huh ngetna a pia nuam lote pen amau zong cimawhin huhna a nget uh ciangin kipia lo ding hi.

Paunak 17:5

A zawngte a simmawh pa in amah a Piangsak pa a simmawh hi a, midangte’ tuahsiatna-ah a lungdam mipa in gim thuak hamtang ding hi.

Sawltak 9:5

Saul in, “Topa aw, kua na hi hiam?” ci-in a dot ciangin, “Nangmah in na hong bawlsiat Jesuh ka hi hi.

Mattiu 25:40

Tua ciangin Kumpipa in amaute kiangah, ‘Note kiangah kong genin-ah: Hih ka sanggamte a neupen khat nangawn na limbawl uh ciangin kei tungah a hong bawl na hi uh hi,’ ci-in a dawng ding hi.

Paunak 14:31

Mizawngte bawlsiatna pen a piangsak Pasian simmawhna hi a, mizawngte tungah citna pen Pasian zahtakna ahi hi.

Late 105:15

“Ka sathau nilhte sukha kei un; ka kamsangte tungah siatna bawl kei un,” ci hi.

Zekhariah 2:8

Hih bangin maang ka muh khit ciangin, ama mite’ na a sutgawp minam dangte kiangah thu a gen dingin Vanglian Topa in kei hong sawl a, Topa’ mite a su mi peuhpeuh in a mit nauta bangin a manphapen khat a su ahi hi.

Gamlak-vakna 24:9

Amaute bok a, humpinelkai pa bangin lumsuk uh hi. Humpinelkaipi bangin lumsuk uh hi. Kua in amaute phong ngam ding ahi hiam? Note thupha hong piate in thupha ngah hen la, note hong samsiate in samsiatna ngah ta hen,” a ci hi.

Piancilna 12:3

Nang thupha hong piate thupha ka pia ding a, nang hong samsiate ka samsia ding hi. Nang’ thupha ngah bangin thupha a ngah nadingun leitung midang khempeuh in hong ngen ding uh hi,” a ci hi.

Mattiu 10:41

Pasian’ thugen ahihna hangin Pasian’ thugen mi a sangte in Pasian’ thugente’ thaman ngah ding a, mihoih hihna hangin mihoih a sang mite in mihoihte’ thaman ngah ding uh hi.

Mattiu 25:44

Tua ciangin amaute in zong, ‘Topa aw, cikin na gilkial hong mu a, cikin na dangtak hong mu a, cikin khualmi na hih hong mu a, cikin na puan neih loh hong mu a, cikin na cinat hong mu a, cikin na thongkiat hong mu a, cikin kote in nang hong huh nuam lo ka hi uh hiam?’ a ci ding uh hi.

Mattiu 25:46

Tua ahih ciangin tawntung gimthuakna sungah amaute pai ding uh a, mihoihte ahihleh nuntak tawntungna sungah lut ding uh hi,” a ci hi.

1 KORIN MASA 8:12

Tua bangin lungsim thaneemte gimsakin, thu upna sungah na sanggamte uh tungah na khialh uh ciangin Khrih tung mahmahah a khial na hi uh hi.