Mattiu 25:35 - Tedim Bible

³⁵ Bang hang hiam cih leh ka gilkial laitakin an nong pia uh a, ka dangtak laitakin tui nong pia uh a, khualmi ka hih laitakin zin nong do uh a,

Tedim Bible Revision 2017

³⁵ Bang hang hiam cih leh ka gilkial laitakin an nong pia uh a, ka dangtak laitakin tui nong pia uh a, khualmi ka hih laitakin zin nong do uh a,

Mattiu 25:35 Referans Kwoze

Ezekiel 18:16

Kuamah bawlsia lo a, kuama na zong sut lo hi. Sum leitawi a lapa in a khapna van a apte zong piakik hi. Gilkialte an vak a, puan nei lote puan guan hi.

Ezekiel 18:7

Kuamah khem lo a, kuama na zong sut lo hi. Sum leitawi a lapa in khapna van a apte zong piakik hi. Gilkialte an vakin, puan nei lote puan guan hi.

Hebru 13:16

Khatlekhat tungah thuhoih kibawlin na kihuh ding uh mangngilh kei un. Hih bang gamtatnate pen Pasian a lungkimsak thei biakna ahi hi.

Jeim 1:27

Pa Pasian in a siangtho biakna citakin a ngaihsut thu in: Tagahte le meigong numeite a haksatna uhah hoihtakin kemin, leitung siatnate tawh kisawhkha loin siangtho takin omna ahi hi.

ROM (Romans) 12:13

Na Khristian pihte uh a kisapna bangin na neihsate uh na hawm unla, zin le leengla do a siam mite na hita un.

JOB (Job) 31:32

Khualzin mi khempeuh ka inn-ah ka tungsak tawntung a, kongzing lakah amaute ka lumsak ngei kei hi.

ROM (Romans) 12:20

Tua ahih ciangin Lai Siangtho sungah, “Na galte uh a gil a kial leh an na pia un. A dang a taak leh tui na pia un. Tua bangin na gamtat uhleh amaute’ maizum nadingin a bawl na hi uh hi,” ci-in a kigelh bangin gamtazaw un.

Hebru 6:10

Pasian, a man loin gamta ngei lo ahih manin na Khristianpihte uh a beisa hunah na huhna uh le tu dongin na huh laina uh tawh ama a dingin na nasepna uh le amah na itna uh na lahnate uh hong mangngilh het lo ding hi.

Filemon 1:7

Sanggam aw, nangma hangin Pasian’ mite in lungnopna ngah uh ahih manin tua bang itna na neihna hangin ka lungdamin ka tha a nuam mahmah hi.

1 TIMOTI MASA 5:10

Tua banah a gamtat hoihna a kitheite, a tate hoihtakin a khansuahsate, a inn-ah zin le leengla do a siam mite, kiniamkhiatin Pasian’ mite’ khe a silsakte, a lungkham mite a huhte, le thu khempeuhah a hoih gamtat mite hi lai ding uh hi.

Efesa 4:28

Guta ngeite in gu nawn loin, ama nuntak nading thuman takin thalawhin, mizawngte zong a huhtheih lai nadingin thatang tawh nasep ding kipan ta uh hen.

ROM (Romans) 16:23

Keima zintunna pa le pawlpite’ kikhopna inn nei pa zong ahi Gaias in zong hong hopih hi. Ka omna khuapi sumkem pa Erastas le i Khristian sanggam Kuartas in zong hong hopih uh hi.

Sawltak 16:15

Amah le a innsunga om mi khempeuh tui kiphum uh a, “Topa thu a um mi taktak hi, ci-in na hong ngaihsut nak-uhleh hong pai unla, ka inn-ah hong tung un,” ci-in hong samin a hong zol hi.

Sawltak 11:29

Tua lai-a om thu um mite in amau hihzawh zah ciat hanciamin Judea gam a om thu um mite kiangah huhna a puak nading uh a vaihawm uh hi.

Sawltak 10:31

‘Kornelias aw, Pasian in na thungetnate hong za a, mizawngte na huhnate zong a hong thei hi.

Sawltak 4:32

Thu um mi khempeuh a lungsim uh le a ngaihsutna uh kikhat uh a, kuamah in ama neihsa kei-a’ tuam ci loin, a neih khempeuh uh a neikhawm ciat uh hi.

Johan 13:29

Amah sumkem ahih manin hih pawi a zat ding a kisam na pawlkhat a lei dingin a sawl hi ding hi; tua ahih kei leh zong mizawngte pawlkhat tungah sum a pia dingin a sawl hi ding hi, ci-in nungzui pawlkhat in a ngaihsun uh hi.

Luka 11:41

Ahi zongin na hai leh na kuang sung uhah a omte pen itna tawh mizawngte tungah pia le-uhcin, note a dingin na khempeuh hong siang ding hi.

Marka 14:7

Mizawngte ahihleh note tawh omkhawm tawntung ding a, na huhnop hun peuhpeuhun na huh thei ding uh hi. Ahi zongin kei pen note tawh kong omkhawm tawntung kei ding hi.

Mattiu 26:11

Mizawngte pen note tawh hong omkhawm tawntung ding a, ahi zongin note tawh kei ka hong omkhawm tawntung kei ding hi.

Mattiu 25:40

Tua ciangin Kumpipa in amaute kiangah, ‘Note kiangah kong genin-ah: Hih ka sanggamte a neupen khat nangawn na limbawl uh ciangin kei tungah a hong bawl na hi uh hi,’ ci-in a dawng ding hi.

Micah 6:8

Mun khempeuhah a om no mihingte aw, Topa in a hoih nate hong gen khinzo hi. Topa in note tung panin hong kalh thu in: Thuman thutang sem ding a, itna kip nei tawntungin, kiniamkhiatna tawh Pasian’ thu man’ ding ahi hi.

Daniel 4:27

Tua ahih ciangin kumpipa aw, kong thuhilhna hong mang in. Mawhna bawl nawn kei inla, diktakin gamta in. Mizawngte hehpih leteh, tua in a sia-a na gamtatnasate hong puahsak ding a, na nuamsa toto ding hi, a ci hi.

Paunak 25:21

Na galte a gil a kial leh an pia inla, a dang a tak leh tui pia in.

Paunak 22:9

A cingh mi in mizawngte an pia a, amah in thupha ngahkik hi.

Paunak 19:17

Mizawngte tungah a piate in Topa’ tungah a pia hi a, Topa in a cingin amaute tungah lohkik ding hi.

Paunak 14:31

Mizawngte bawlsiatna pen a piangsak Pasian simmawhna hi a, mizawngte tungah citna pen Pasian zahtakna ahi hi.

Paunak 14:21

Mizawngte a simmawhte a khial hi a, mizawngte tungah a cinghte a lungdam hi.

1 KUMPI MASATE 17:11

Tua nu in paipih dingin a kisak laitakin, amah in tua nu samin, “Anlum neu khat hong tawi kawm in,” a ci hi.