Mattiu 25:33 - Tedim Bible

³³ Tuu a bang mite a taklamah koihin, keel a bang mite a veilamah koih ding hi.

Tedim Bible Revision 2017

³³ Tuu a bang mite a tak lamah koihin, keel a bang mite a veilamah koih ding hi.

Mattiu 25:33 Referans Kwoze

Late 100:3

Topa, Pasian ahihna thei un. Eite hong bawlpa amah hi a, eite ama a’ ihi hi. Eite ama mi ihi a, ama gankhahna sunga om a tuute ihi hi.

Late 110:1

Topa in ka to kumpipa tungah, “Na galte nangma khengakna-in ka bawl matengin ka taklamah tu in,” a ci hi.

Late 45:9

kumpite’ tanute, numei uliante lakah om a, na taklamah Ofir gam khamte tawh kizemin kumpinu a ding hi.

Hebru 1:3

Tua Tapa in Pasian’ minthanna vang hong taangkhiasak a, Pasian’ lim taktak mah hong pua-in, ama kampauna tawh leitung vantung buppi pai-in a kip hi. Mihingte a mawhna panun a siansak khit ciangin Vanglian pipa Pasian’ taklam, vantungah a tu hi.

Marka 16:19

(Tua bangin Topa Jesuh in amaute tungah thu a gen khit ciangin vantungah kilato-in Pasian’ taklamah a tu hi.

Late 95:7

Bang hang hiam cih leh amah pen eite’ Pasian hi a, eite pen ama hong kep mite le ama khutsunga om a tuute ihi hi. Tuni-in hih bangin ama hong thugen za un:

Late 79:13

Tua ciangin nangma mi, nangma gam sung tuu kote in nangma tungah lungdamna kong lak ngitnget ding uh a, a khang khangin nangmah phatnate ka gengen ding uh hi.

1 KUMPI MASATE 2:19

Tua ahih ciangin Adonijah tangin ama tungah thu a gen dingin Kumpi Solomon kiangah Bathsheba va pai hi. Tua ciangin tua nu a dawn dingin kumpipa dingin tua nu mai-ah a kun hi. Tua ciangin ama tokhom tungah tu-in kumpipa’ nu a dingin tutna khat lasak hi. Tua nu ama taklamah a tu hi.

Thuhilh-sia 10:2

Mipilte a manin a gamtat ding a ngeina hi a, mihaite a sia-in a gamtat ding a ngeina ahi hi.