Mattiu 25:32 - Tedim Bible

³² Ama mai-ah leitung minam khempeuh hong kikhawm ding hi. Gancing pa in tuu le keelte a khen mah bangin mi khempeuh khen nihin hong koih ding hi.

Tedim Bible Revision 2017

³² Ama mai ah leitung minam khempeuh hong kikhawm ding hi. Gancing pa in tuu le keelte a khen mah bangin mi khempeuh khen nihin hong koih ding hi.

Mattiu 25:32 Referans Kwoze

Mattiu 13:49

Leitung hun bei ciangin zong tua bangmah hi ding hi. Vantung mite hong pai-in mihoihte lak panin migilote lakhia-in,

Malakhi 3:18

Tua ciangin midikte le migilote, le keima na hong semte le hong sem lote a kilamdanna na mukik ding uh hi,” a ci hi.

2 KORIN NIHNA 5:10

Bang hang hiam cih leh Khrih mai-ah thusitna a thuak dingin eite khempeuh a kilak ding ihi a, leitung i pumpi-in i omlai-in i gamtatna tawh kizui-in eite tawh a kituak ciatin a sia ahi a, a pha ahi zongin a ngah ciat ding ihi hi.

Mattiu 3:12

Amah in a khutah anzapna tawi-in a ante zap a, a taksate khawmin a ansal sungah koih ding a, a ansite ahihleh a mit ngei lo mei sungah a khul ding hi,” ci-in thu a hilh hi.

Johan 10:14

Kei, tuucing hoih ka hi hi. Pa in kei hong thei-in, kei zong Pa ka theih mah bangin keimah in ka tuute ka thei a, ka tuute in zong kei hong thei uh hi. Tua ahih manin ka tuute ka sihpih ngam hi.

Late 1:5

Tua ahih ciangin migilote in thukhenna thuak zo lo ding uh a, mimawhte pen midikte’ pawl sungah kihel thei lo ding uh hi;

1 KORIN MASA 4:5

Tua ahih manin a hun a tunma-in kuamah mawhsakin thu khen kei un. Topa hong pai ciangin a tawpna thukhenna hong om ding a, amah in thusimte hong pholakin, mihingte in a lungsim sung uhah a ipcip uh thute hong telkheh ding hi. Tua ciangin mi khempeuh in amau’ ngah dingin a kilawm phatna, Pasian’ kiang panin a ngah ciat ding uh hi.

ROM (Romans) 2:16

Tua ahih ciangin Pasian in mihingte lungsim sunga a ngaihsutnate uh, Jesuh Khrih thu a khensak Ni ciangin, tu-a ka hong gen bang teekteekin a hong piang ding ahi hi.

ROM (Romans) 2:12

Moses Thukham a nei lo Gentail mite a khialh uh ciangin thukham nei lopi mahin siatna thuak uh a, Moses Thukham a nei Jew mite a khialh uh ciangin tua thukham tawh kizui-in amaute tungah thu kikhen hi.

Ezekiel 20:38

Note lak panin a lehdo thei mite le kei tungah hong mawh mite ka lakhia ding hi. Tu laitakin a ompakna uh gam panin ka lakhia ding a, ahi zongin Israel gamah ka ciahsakkik kei ding hi. Tua ciangin Topa ka hihna thu na thei ding uh hi,” a hong ci hi.

Johan 10:27

Keima tuute in ka aw za-in thei uh ahih manin kei hong zui uh hi.

Late 78:52

Tua ciangin amah in tua bangin ama mite gamlakah paikhiatpihin, ganhing honpi bangin amaute a paipih hi.

1 SAMUEL MASA 2:10

Topa’ langte tamkham ding a, amah in amaute do-in vantungah van gingsak ding hi. Topa in leimong dongah thu khen ding hi. Amah in ama kumpipa tungah thahatna pia ding a, a sathau nilh pa’ vangliatna sangsak ding hi,” a ci hi.

Mattiu 28:19

Tua ahih ciangin note pai unla, midang khempeuh, keima nungzui mi suaksakin, Pa min, Tapa min, le Kha Siangtho min tawh tui sungah na phum un.