Mattiu 25:31 - Tedim Bible

³¹ “Mihing Tapa a vantung mite tawh Kumpi-in hong paikhawm uh ciangin a kumpi tokhom tungah hong tu ding hi.

Tedim Bible Revision 2017

³¹ “Mihing Tapa a vantung mite tawh Kumpi-in hong pai khawm uh ciangin a kumpi tokhom tungah hong tu ding hi.

Mattiu 25:31 Referans Kwoze

Mangmuhna 1:7

En un, amah hong paita ding a, meiipi tawh hong tonkhawm ding hi. Teipi tawh amah a sunte a kipan mi khempeuh in a mu ding uh hi. Amah a hong pai ciangin leitung mi khempeuh lau-in a kap ding uh hi. Hih ka gen bangin hong piang takpi ding hi. Amen.

Mattiu 19:28

Jesuh in amaute kiangah, “Ke’n limtak a kong genin-ah: A hong tung ding hun thak sungah a minthanna tokhom tungah Mihing Tapa a tut hun ciangin kei a hong zui note zong, tokhom sawm le nihte tung mahah tu-in Israel minam sawm le nihte tungah thukhenin na om ding uh hi.

Mattiu 16:27

A Pa’ minthanna vang le a vantung mite tawh Mihing Tapa hong paikik ding a, mi khempeuh amau’ gamtatna ciat tawh a kizui-in a thuk ding hi.

Marka 8:38

Pasian thei loin a gilo hih mite lakah keima hang le ka thuhilhte hangin maizumin kei hong pulak ngam lo mi peuhmah, a Pa’ minthanna vang le a siangtho vantung mite tawh a minthangin hong paikik ciangin Mihing Tapa zong ama hangin maizumin pulak ngam lo ding hi,” a ci hi.

Juda 1:14

Tanglai pekin Adam pan khang sagihna Enok in zong hih thu mah na genkhol a, a genna-ah, “En un, Topa, a mi siangtho honpite tawh hong pai ding a,

Late 9:7

Topa ahihleh kumpi za-ah tu ngitnget a, thukhen nadingin a tokhom a bawl hi.

Johan 1:51

Tua ciangin Jesuh in, “Ke’n a mantak kong genin-ah, vantung a kihong na mu ding uh a, Mihing Tapa le vantung kikalah Pasian’ vantung mite a kumsuk a kahto na mu ding uh hi,” a ci hi.

Luka 9:26

Keima hang le ka thuhilhnate hangin a maizum peuhmah, a Pa’ minthanna vang le a siangtho vantung mite’ minthanna tawh a minthangin hong paikik ciangin Mihing Tapa zong ama hangin a maizum ding hi.

Zekhariah 14:5

Hinnom kuam sung kivukcip ding a, Judah kumpi Uzzah’ hun lai-in zinlinna-a a kivukcip mah bang ding hi. Tua ciangin Topa ka Pasian hong pai ding a, a mi siangthote khempeuh hong tonpih ding hi.

Mangmuhna 20:11

Tua ciangin tokhom kang a lian khat le a tungah a tupa ka mu hi. Ama omna panin lei le van lengkhiamang a, a tunna mel uh kithei lo hi.

Mangmuhna 3:21

Keimah zong gualzo-in ka Pa’ tokhomah ka tutkhawm uh mah bangin a gualzote khempeuh zong kei tawh ka tokhom tungah hong tutkhawm theih nadingun thu ka pia ding hi.

Marka 14:62

Jesuh in, “Ka hi hi; Vanglian Pasian’ taklamah Mihing Tapa omin meii lakah a hong pai na mu ding uh hi,” a ci hi.

Mattiu 26:64

Tua ciangin Jesuh in, “Nangmah in tua mah na ci khin hi. Ahi zongin note khempeuh kiangah ka hong genin-ah: Vanglianpa’ taklamah Mihing Tapa omin meii tungah a hong pai na mu ding uh hi,” a ci hi.

Hebru 1:8

Ahi zongin Tapa’ thu a gen ciangin Pasian in, “Pasian aw, na kumpi tokhom khang tawntungin kip ding a, thuman thutang tawh na gam sung na uk ding hi.

1 THESALONIKA MASA 4:16

Pasian’ thupiakna awging lianpi, vantungmi mangpa’ thugenna, le Pasian’ peengkul hong ging ding a, vantung panin Topa mahmah hong paisuk ding hi.

Sawltak 1:11

“Galilee mite aw, bang hangin vantung lam enin ding niloh na hi uh hiam? Note kiang panin vantungah a kilato hih Jesuh pen, vantungah a paitoh na muh uh bang teekteek mahin khatvei hong paisuk kik ding hi,” a ci uh hi.

Luka 22:69

Ahi zongin tu a kipanin a Vanglian Pasian’ taklamah Mihing Tapa tu ding hi,” ci-in a dawng hi.

Mattiu 25:6

Ahi zongin zankim tak ciangin, ‘Zineipa hong tungta ding hi. Va dawn un,’ ci-in hong kiko hi.

1 SAMUEL MASA 2:10

Topa’ langte tamkham ding a, amah in amaute do-in vantungah van gingsak ding hi. Topa in leimong dongah thu khen ding hi. Amah in ama kumpipa tungah thahatna pia ding a, a sathau nilh pa’ vangliatna sangsak ding hi,” a ci hi.

1 THESALONIKA MASA 3:13

Tua hileh i Topa Jesuh a mi siangthote khempeuh tawh hong pai ciangin eite’ Pa ahi Pasian’ mai-ah kisuanna om hetloin lungsim siangtho takin na om thei ding uh hi.

Hebru 9:28

mi tampite’ mawhna a thuak dingin Khrih zong khatvei bek a kipia hi. A nihveina hong kilatkik ciangin mawhna thu tawh kisai nasem ding hi nawn loin, lawptakin amah a ngak mite a honkhia ding ahi hi.