Mattiu 25:30 - Tedim Bible

³⁰ Bangmahin a kimang lo hih nasempa ahihleh pualam khuamialna lakah lawnkhia un. Tua lai-ah kapin a hagawi ding hi,’ ci hi.

Tedim Bible Revision 2017

³⁰ Bangmahin a kimang lo hih nasem pa ahihleh pualam khua mialna lakah lawn khia un. Tua lai ah kapin a hagawi ding hi,’ ci hi.

Mattiu 25:30 Referans Kwoze

Mattiu 8:12

Ahi zongin vantung ki-ukna sungah a om dingin a kingaihsun Israel mite ahihleh pualam khuamialna-ah kilawnkhia ding a, tua lai-ah kapin a hagawi ding uh hi,” a ci hi.

Mattiu 22:13

Tua ciangin kumpipa in a nasemte kiangah, ‘A khut a khe hen unla, pualam khuamialna lakah lawnkhia un; tua lai-ah kapin a hagawi ding hi,’ a ci hi.

Mattiu 13:50

meikhukpi sungah tua migilote a khul ding uh hi. Tua lai-ah kapin a hagawi ding uh hi.

Juda 1:13

a sepna uh tawh amau mah’ maizum nading a piangsak tuipi hualte, le Pasian in amaute’ om nadingin leisung khuamial thukpi a koihsak tawntung, a lampial aksite tawh kibang bek uh hi.

Titu 3:14

I mite ommawk loin, thu kisam a phamawhte huh thei-in, na hoih na phate a septheih nadingun na hilh in.

Johan 15:6

Kei tawh a kizom lo mite pen leenggui hiang bangin kipaai khia-in keutum hi. Tua bang hiangte meikhuk sungah kilawnin a kangtum hi.

Luka 13:28

Pasian’ Ukna sungah Abraham, Isaac, Jakob, le kamsangte khempeuh a omna mu napi-in, note a pualamah hong kihawlkhiat ciangin tua huna na kahna uh le na ha gawina uh bangzah takin nasia ding ahi hiam?

Mattiu 24:51

a topa in nakpitakin gim pia-in, mihoih a kineihkhemte’ gimthuak dingteng thuaksak ding a, amah kapin a hagawi ding hi.

Mattiu 13:42

meikhukpi sungah tua bang mite lawn ding uh a, tua lai-ah amaute kapin a hagawi ding uh hi.

Mangmuhna 21:8

Ahi zongin a meidawite, a lehtatte, a lampialte, mi thatte, a paktatte, aisante, milim biate, le zuaugente om nading mun pen sihna nihna ahi kat a kikhulna meiphualpi kuang sung ahi hi,” a ci hi.

2 PETER NIHNA 2:17

Hih bang mite pen a kangcip khinsa ciktui, huih in a mutkhiat meiipi tawh kibang uh a, Pasian in amaute’ om nadingin khuamial sahpi omna mun a koih kholhsak hi.

Mattiu 5:13

“Note pen leitung mite a dingin ci tawh na kibang uh hi. Ahi zongin ci a alna bei leh i alsakkik theih nading lampi om nawn lo hi. A kizat nading bangmah om nawn lo a, mite’ tuatcilgawp dingin kipaai lel hi.

Mattiu 3:10

Tu mahmahin sing a bulphuk dingin hei tawh kingim zo hi. Tua ahih manin gah hoih a gah lo sing khempeuh kiphukin meikhuk sungah kikhul ding hi.

Late 112:10

Migilo in hih thu mu-in a heh suak mahmah a, a ha gawigawi-in a tuimang hi. Migilote’ lametna a mawkna a suakta hi.