Mattiu 24:27 - Tedim Bible

²⁷ Bang hang hiam cih leh Mihing Tapa hong pai ciangin khuaphialep in van mong khat panin mong khat dong a taanzaihsak mah bangin kitheikim ding hi.

Tedim Bible Revision 2017

²⁷ Bang hang hiam cih leh Mihing Tapa hong pai ciangin khuaphialep in van mong khat panin mong khat dong a taanzaihsak mah bangin kithei kim ding hi.

Mattiu 24:27 Referans Kwoze

2 PETER NIHNA 3:4

“Amah a hong paikik nading a thuciamna a bangci ahi hiam? I pu i pate zong si khinta uh a, leitung piancil a kipanin tu dong na khempeuh a kibang mahin omom lai hi,” hong ci ding uh hi.

Jeim 5:8

Note zong na lungduai un. Topa hong pai ding hun naita ahih manin na lungsim uh na thahatsak un.

Malakhi 3:2

Ahi zongin ama hong pai ni ciangin kua in thuakzo ding a, amah hong kilaak ciangin kua nungtazo ding ahi hiam? Amah pen, sikte a siangthosak mei, le puante a siangthosak satpiang tawh kibang hi.

Zekhariah 9:14

Ama mite tungah Topa kilang ding a, a thaltang lotte khuaphia bang ding hi. Topa Pasian in peengkul tum ding a, leitaw lam panin a hong pai huihpi tawh a va kuankhia ding hi.

Mattiu 24:39

Tuiciin hong tungin tui in mi khempeuh a tupcip hun ciang dong, kuamah in bangmah a theih loh mah bangin Mihing Tapa hong pai ciangin zong kuamah in theikhol lo ding uh hi.

Mattiu 24:37

Noah hun lai-in up hun lohpi khatin tuiciin a tun bangin Mihing Tapa zong up hun lohpi khatin hong pai ding hi.

Mattiu 16:28

Hih lai-a a om mi pawlkhatte a sih ma-in Mihing Tapa, Kumpi-in hong pai ding ahih lamtak phawkkhial kei un,” a ci hi.

Malakhi 4:5

“Ahi zongin tua a lauhuai lian mahmah Topa’ ni hong tun ma-in note kiangah kamsang Elijah kong paisak ding hi.

Isaiah 30:30

Topa in heh mahmahna le a kangtum thei meikuang sung panin vanging, huihpi, le gialpi tawh, ama liatna minthanna aw kizasakin, ama khut a vik sukna kimusak ding hi.

JOB (Job) 37:3

Amah in vanah khua phiasak a, leimong khat pan mong khat dong a taan hi.

Mattiu 24:3

Oliv Mual tungah Jesuh tu-in a om laitakin a nungzuite guak a tuamin hong pai uh a, “Hih thute cik ciangin hong piang ding a, nang na hong pai ding hun le hun bei nading bang lim hong om ding ahi hiam, hong gen in,” a ci uh hi.

Mattiu 8:20

Jesuh in, “Ngiate in lup nading kua nei uh a, vasate in zong giah nading bu nei uh hi. Ahi zongin Mihing Tapa in a luptheih nading mun koimahah nei lo hi,” ci-in a dawng hi.

JOB (Job) 38:35

‘Khua phia in,’ ci-in thu pia lecin, ‘Nong sawl bangin phia ning,’ hong ci ding ahi hiam?

Ezekiel 1:14

Tua ganhingte khuaphia mah bangin kin zalzal kawikawi uh hi.

Mattiu 16:27

A Pa’ minthanna vang le a vantung mite tawh Mihing Tapa hong paikik ding a, mi khempeuh amau’ gamtatna ciat tawh a kizui-in a thuk ding hi.

Mattiu 24:26

“Tua ahih kei leh zong mite in, ‘Gamlakah Khrih om hi,’ hong cih leh zong va paikha kei un. ‘Innsungah Khrih bu hi,’ hong cih leh zong umkha kei un.

Mattiu 24:44

Tua ahih manin Mihing Tapa zong, note’ upmawh loh hun laitakin hong pai ding ahih manin note zong na kiging tawntung ta un.