Mattiu 24:22 - Tedim Bible

²² Pasian in tua gimna hun a ni khiam lo hileh a suaktazo kuamah om lo ding hi. Ahi zongin ama teel mite a khualna-in a ni a khiam ding hi.

Tedim Bible Revision 2017

²² Pasian in tua gimna hun a ni khiam lo hileh a suakta zo kuamah om lo ding hi. Ahi zongin ama teel mite a khualna-in a ni a khiam ding hi.

Mattiu 24:22 Referans Kwoze

Marka 13:20

Topa in tua gimna hun a ni khiam lo hileh a suaktazo kuamah om lo ding hi. Ahi zongin ama teel mite a khualna-in a ni a khiam hi.

2 TIMOTI NIHNA 2:10

Tua ahih manin Pasian’ teel mite in zong Khrih Jesuh hangin hotkhiatna le tawntung minthanna a ngahkhawm theih nadingun amaute’ hangin na khempeuh ka thuak hi.

Mattiu 24:31

Nakpi takin peengkul hong ging ding a, leitung mun khempeuhah a vantung mite hong paisakin, leimong khat pan mong khat dongin, a teelsa mite a kaikhawmsak ding hi.

Mattiu 24:24

Bang hang hiam cih leh Khrih a kineihkhemte le kamsang a kineihkhemte hong piang ding a, ahih zawh leh a teelsa mite nangawn a khem nadingun lim le nalamdang lianpipi hong bawl ding uh hi.

ROM (Romans) 9:11

Pasian’ teelna pen a teel mite’ nasepna hang hi loin Pasian’ sapna tawh kisaizaw hi, ci-in a kilat nadingin a tate a sia a pha a gamtat theihma, a suahma pek mahin

Mattiu 22:14

“Bang hang hiam cih leh mi tampi a kisap hangin tawm bek a kiteel hi,” a ci hi.

Luka 18:7

A sun a zanin ama tungah a thumthum ama mite’ thu a manin Pasian in khensak lo ding ahi hiam? Amaute a huh ding kizekaisak ding ahi hiam?

Zekhariah 14:2

Jerusalem khuapi a sim dingin Topa in minam khempeuh kaikhawm ding hi. A khuapi kila-in, a innte kiluh gawpin, a numeite zong kibuan gawp ding hi. Mi alang bang salin kipaikhiatpih ding a, adangte ahihleh kipaikhiatpih lo ding hi.

Zekhariah 13:8

Leitung khempeuhah, sehthum suah sehnih si ding a, seh khat bek suaktalai ding hi.

Isaiah 6:13

Mi sawm ah khat bang a omlai tei hangin, taak kung le tawsaw kungte a kiphuk khit ciangin a bulsum a omlaite mei tawh a kihalkik bangin amaute zong kisusia ding hi,” hong ci hi. (A bulsum pen Pasian’ mite a kipatthakna ding lahna lim ahi hi.)

1 PETER MASA 1:1

Jesuh Khrih sawltak keimah Peter in Pontas gam, Galatia gam, Kappadosia gam, Asia gam, le Bithynia gamah kithehthangin peemta-in a om mite kiangah lai ka hong khak hi.