Mattiu 23:13 - Tedim Bible

¹³ “Mihoih a kineihkhem, no Thukham hilh siate le Farisi mite in gimna na thuak ding uh hi. Note in vantung ki-ukna sungah mite a lut theih loh nadingin kong na khakcip uh hi. Note lah na lutnuam kei uh a, a lutnuamte lah na lutsak kei uh hi.

Tedim Bible Revision 2017

¹³ “Mihoih a kineihkhem, no Thukham hilh siate le Farisi mite in gimna na thuak ding uh hi. Note in vantung ki-ukna sungah mite a lut theih loh nadingin kong na khakcip uh hi. Note lah na lut nuam kei uh a, a lut nuamte lah na lutsak kei uh hi.

Mattiu 23:13 Referans Kwoze

Luka 11:52

No Thukham hilh siate in gimna na thuak ding uh hi. Note in pilna ngah theih nading konghonna tawhtang nei napi-in a sungah note na lut tuan kei uh a, a tum dingin a paite zong lah na khaktan uh hi,” a ci hi.

Mattiu 23:29

“Mihoih a kineihkhem, no Thukham hilh siate le Farisi mite in gimna na thuak ding uh hi. Note in a sisa kamsangte’ han, a hoih mahmahin bawlin, a nuntakna uh a hoih, a sisate’ mualsuangte hoihtakin na zem uh a,

Mattiu 23:27

“Mihoih a kineihkhem, no Thukham hilh siate le Farisi mite in gimna na thuak ding uh hi. Note pen leikang tawh a kizut manin a pualam a hoih mahmah tawh kibang napi-in a sungah misi guh le a kihhuai nin nam khempeuh a omna hankhuk tawh na kibang uh hi.

Mattiu 23:23

“Mihoih a kineihkhem, no Thukham hilh siate le Farisi mite in gimna na thuak ding uh hi. Note in Pasian tungah lengmasel, masala, le kummin sing namtui a kipanin meh namtui nam khempeuh, sawm-ah-khat pia napi-in, thukham sungah a thupizaw ahi thutang, hehpihna, le thumante na don kei uh hi. Adangte nusia tuan loin hih thute na zuih ding uh ahi hi.

Zekhariah 11:17

“Kimanna a nei lo tuucingpa, a tuuhonte a nusia pa in gimna ngah ta hen! Namsau in a khut bantan hen la, a taklam mit satkham hen. A khut beimang hen la, a taklam mit tawcip hen!” hong ci hi.

Sawltak 8:1

Hih Stefen thahna thu-ah Saul in zong thukimpih hi. Tua ni a kipanin Jerusalem khua-a om pawlpite in nakpitakin bawlsiatna thuak ding kipan uh hi. Sawltakte simloh, thu um midang khempeuh, Judea gam le Samaria gamah kithehthang gawp uh hi.

2 TIMOTI NIHNA 4:15

Amah in i thuhilhna nakpitakin nial ahih manin amah tawh kisai-ah nangma pumpi kidawm mahmah in.

Isaiah 33:14

Zion-a a om mawhnei mite lau uh a, Pasian’ thu a ngaihsun lo mite lau-in lingcip uh hi. Amaute in, “Pasian’ thukhenna pen a kuang tawntung mei tawh kibang hi. Tua bang meikuang kua in thuakzo ding ahi hiam?” ci uh hi.

2 TIMOTI NIHNA 3:8

Jannes le Jambres-te in Moses thu a nial mah bangin upna paizia a man lo hih thuhilh mite in zong thuman thutak a nial uh hi.

Sawltak 13:8

Ahi zongin tua mitphial siampa Elymas (a Grik min) in Barnabas le Saul na nial a, gam ukpa in Pasian’ thu a up theih loh nadingin a na hanciam hi.

Sawltak 5:40

Tua ahih manin uliante in Gamaliel’ thugen a mang uh hi. Sawltakte samkik sak uh a, a sat khit uh ciangin Jesuh’ min tawh thu a hilhkik ngei loh nadingun thu a pia uh hi. Tua khit ciangin sawltakte a khah uh hi.

Sawltak 5:28

“Hih mipa’ min tawh thu na hilh nawn loh nadingun khauhtakin thu kong pia uh hi. Tu-in na gamtatnasate uh thei un. Jerusalem khuasung khempeuhah thu na genthang uh a, ama sihna pen kote nong ngawh nuam uh hi,” a ci hi.

Johan 9:34

Tua ciangin amaute in, “Mawhna bulomtang sung panin suakin a khangkhia mipa in kote tungah thu hong hilhsawm na hi hiam?” ci-in tua mittaw ngei pa a hawlkhia uh hi.

Johan 9:24

Tua ciangin a mittaw ngei pa mah samkik leuleu uh a, “Pasian’ mai-ah kiciamin a man taktak hong gen in. Kote in hih mipa thukham palsatin a gamta pa hi, ci-in ka thei uh hi,” a cih uh ciangin amah in,

Johan 9:22

Jesuh pen Khrih hi, ci-in a gen peuhpeuh, kikhopna inn panin hawlkhia ni, ci-in Jew mi uliante in thukimna neikhin uh ahih manin, Jew mi uliante a kihtakna uh hangin a nu le a pate in hih bangin a gen uh ahi hi.

Mattiu 23:25

“Mihoih a kineihkhem, no Thukham hilh siate le Farisi mite in gimna na thuak ding uh hi. Note in hai le kuangte a pualam na siangsak uh a, ahi zongin tuate sungah, thatanghat thu le huaihamna tawh mi-a’ na suh uh nate a om hi.

Mattiu 3:7

Ahi zongin Farisi mite le Saddusi mite tampi tak tui a kiphum dingin a hong pai a muh ciangin Johan in amaute kiangah, “Gul bangin ngian a zang note aw, a hong tung ding Pasian’ hehna panin na suahtak theih nading uh kua in hong hilhkhol ahi hiam?

Mattiu 23:16

“Mittaw a bang lamhilhte aw, note in gimna na thuak ding uh hi. Bang hang hiam cih leh note in, ‘Mi khat biakinn tawh a kiciam leh phamawh lo a, ahi zongin biakinn sunga a om kham tawh a kiciam leh a kiciamna in len hi,’ na ci uh hi.