Mattiu 23:11 - Tedim Bible

¹¹ Note lakah a lianpen pa, na nasem uh hi ding hi.

Tedim Bible Revision 2017

¹¹ Note lakah a lian pen pa, na nasem uh hi ding hi.

Mattiu 23:11 Referans Kwoze

1 KORIN MASA 9:19

Kei pen kuama khutnuai mi hi loin a suakta mi hinapi-in, mi a tam theithei ka ngahzawh nadingin mi khempeuh’ khutnuai mi-in ka kibawl hi.

Galati 5:13

Sanggamte aw, note ahihleh a suakta mi ahi dingin Pasian in a hong sap ahi hi. Ahi zongin tua suahtakna pen na pumpi uh ut bangbangin gamtat theih nadingin paulam zonna-in nei kei unla, itna tawh khatlekhat kikhualna-in zangzaw un.

2 KORIN NIHNA 4:5

Bang hang hiam cih leh kote’ hilh thu pen komau’ thu hi lo a, Khrih Jesuh pen Topa ahi hi, ci-in a hilh ka hi uh a, kote pen Khrih hangin nomau’ na a semte ka hi uh hi.

2 KORIN NIHNA 11:23

Amaute Khrih nasem ahihleh kei zong hong hai pau mai ning. Khrih nasem a hoihzaw pekpek ka hi hi. Amaute sangin na ka nak sepzaw a, satna tamvei ka thuakzaw a, sih dektakna tamvei ka tuakzaw hi.

Mattiu 23:10

Topa dingin Khrih bek nei na hih manun note khatlekhat, ‘Topa,’ na kici kei un.

Marka 9:35

Tua ciangin Jesuh tu a, a kiangah nungzui sawm le nihte samin, “Mi khat peuhpeuh a lianpen a suahnop leh a neupen suak photin mi khempeuh’ nasem hi masa ding hi,” a ci hi.