Mattiu 22:37 - Tedim Bible

³⁷ Jesuh in, “Na Topa Pasian na lungsim khempeuh, na nuntakna khempeuh, le na pilna khempeuh tawh na it ding hi, cihna ahi hi.

Tedim Bible Revision 2017

³⁷ Jesu in, “Na Topa Pasian na lungsim khempeuh, na nuntakna khempeuh le na pilna khempeuh tawh na it ding hi, cihna ahi hi.

Mattiu 22:37 Referans Kwoze

Luka 10:27

Amah in, “Na Topa Pasian na lungsim khempeuh, na nuntakna khempeuh, na hatna khempeuh, le na pilna khempeuh tawh na it inla, nangmah na ki-it bangin na vengte na it in,” ci-in kigelh hi, ci-in a dawng hi.

Thu-hilhkikna 6:5

Topa note’ Pasian, na lungsim khempeuh uh, na nuntakna khempeuh uh, le na thahatna khempeuh uh tawh na it ding uh hi.

Thu-hilhkikna 10:12

“Israel-te aw, tu-in, Topa na Pasian uh zahtak ding, ama lampite tot ding, amah it ding, na lungsim khempeuh uh le na nuntakna khempeuh uh tawh Topa note’ Pasian’ na sep ding,

Marka 12:33

Mite in a lungsim khempeuh, a pilna khempeuh, le a hatna khempeuh uh tawh Pasian itin, amau pumpi a it bangin a vengte a it ding uh ahi hi. Pasian biak nadingin biakna tau tunga gan gawhnate le biakna dang khempeuh sangin hih thukham nihte zuih ding thupizaw takpi hi,” a ci hi.

Thu-hilhkikna 30:6

Note in na lungsim khempeuh uh le na nuntakna khempeuh uh tawh Topa na Pasian uh itin na hintheih nadingun, Topa na Pasian un note le na suanlekhakte uh tungah thu man’ nopna lungsim hong guan ding hi.

ROM (Romans) 8:7

Mi khatpeuh in ama pumpi deihna a ki-uksak ciangin Pasian’ thukhamte zui lo ahih manin Pasian’ gal suak a, a zuihnop hangin zong zui thei lo hi.

Thu-hilhkikna 6:4

“Israel-te aw, za un: Topa i Pasian, Topa khat bek ahi hi.

Mattiu 22:36

“Sia aw, thukham khempeuh sung panin bang thukham lianpen ahi hiam?” ci-in a dong hi.

Mattiu 22:38

Hih pen a masapen, a lianpen thukham ahi hi.

1 JOHAN MASA 4:21

Khrih in eite tungah hong thupiakna in: Pasian a it mi in a Khristian mipihte zong it ding hi, cihna ahi hi.