Mattiu 22:21 - Tedim Bible

²¹ amaute in, “Sisar’ lim le a min kigelh hi,” a ci uh hi. Tua ciangin Jesuh in amaute kiangah, “Sisar’ nate Sisar’ tungah na pia unla, Pasian’ nate Pasian’ tungah na pia un,” a ci hi.

Tedim Bible Revision 2017

²¹ amaute in, “Sisarʼ lim le a min kigelh hi,” a ci uh hi. Tua ciangin Jesu in amaute kiangah, “Sisarʼ nate Sisarʼ tungah na pia unla, Pasianʼ nate Pasianʼ tungah na pia un,” a ci hi.

Mattiu 22:21 Referans Kwoze

ROM (Romans) 13:7

Tua ahih manin phiangsiah piak dingte tungah pia-in, mangmu piak dingte tungah pia-in, zahtak dingte zahtak bawlin, pahtawi dingte pahtawi ta un.

Sawltak 4:19

Ahi zongin Peter le Johan in, “Note’ thu manzawk ding le Pasian’ thu manzawk ding, Pasian’ muhna panin koi pen manzaw ding cih thu nomau mah in zong ngaihsun ciat un.

Paunak 24:21

Ka ta aw, Topa le kumpipa zahtak khawm inla, amau a langpangte tawh kipawlkha kei in.

Mattiu 22:37

Jesuh in, “Na Topa Pasian na lungsim khempeuh, na nuntakna khempeuh, le na pilna khempeuh tawh na it ding hi, cihna ahi hi.

Luka 23:2

Tua lai panin amah mawhzon ding kipan uh a, “Hih mipa in ka mipihte uh lam khialsakin, kumpipa tungah siah piak loh dingin thu gen a, amahmah zong Khrih ahi kumpi khat ahihna a kigenna zong ka za uh hi,” a ci uh hi.

Sawltak 5:29

Ahi zongin Peter le sawltak dangte in, “Mite’ thu sangin Pasian’ thu ka mangzaw ding uh hi.

Mattiu 4:10

Jesuh in, “Satan aw, taikhia in. Lai Siangtho in, ‘Na Topa Pasian bek bia inla, ama na bek sem in,’ ci hi lo ahi hiam?” ci-in a dawng hi.

Mattiu 22:20

Tua ciangin Jesuh in amaute kiangah, “Hih sum tungah kua lim le kua min om ahi hiam?” ci-in a dot ciangin

Marka 12:17

Tua ciangin Jesuh in, “Tua ahihleh, Sisar’ neihsate Sisar’ tungah pia unla, Pasian’ neihsate Pasian’ tungah pia un,” a ci hi. Tua ama thudawnna hangin lamdang a sa mahmah uh hi.

Luka 20:25

Tua ciangin Jesuh in, “Tua ahihleh, Kumpipa a’ teng Kumpipa tungah na pia unla, Pasian a’ teng Pasian’ tungah na pia un,” a ci hi.