Mattiu 21:5 - Tedim Bible

⁵ Tua a genna-ah, “En un, na kumpipa uh hong pai hi. Kiniamkhiatna tawh lapi tung le lano tungah tuangin hong pai hi, ci-in Zion khuamite kiangah gen un,” a ci hi.

Tedim Bible Revision 2017

⁵ Tua a genna ah, “En un, na kumpipa uh hong pai hi. Kiniamkhiatna tawh lapi tung le la no tungah tuangin hong pai hi, ci-in Zion khua mite kiangah gen un,” a ci hi.

Mattiu 21:5 Referans Kwoze

Isaiah 62:11

Leimong dongah Topa taangko khin hi. Jerusalem mite tungah, “En un, no hong honkhia pa hong pai hi. Ama sep thaman a mite hong pua a, a gualzawhna thaman a mite hong masuan hi,” ci un.

Isaiah 12:6

Zion-a teng mite aw, nomau’ lakah Israel-te’ Siangtho Pa lianin om ahih manin lungdamin awng unla, lungdamin la sa un,” a cih hun uh hong tung ding hi.

Piancilna 49:10

Judah in kumpi ciangkhut len tawntung ding a, a suan a khakte in zong ukna aana nei tawntung ding hi. Minam dangte in ama tungah siah puak ding a, zahtakna tawh ama mai-ah kun ding uh hi.

Hosea 1:7

Ahi zongin Judah mite ka hehpih ding a, namsau le thal, sakol le sakol tung tuangte, le galsimna tawh hi loin, amaute’ Topa Pasian ahi kei mahmah in amaute ka honkhia ding hi,” a ci hi.

Isaiah 40:9

Jerusalem aw, mual sang dawnah kahto-in lungdamna thu kiko in. Zion aw, nakpitakin awng inla, lungdamna thu taangko in. Nakpi takin kiko inla, lau kei in. Judah gam khuapite tungah, “Na Pasian uh hong pai ta hi,” ci-in gen ta un.

Ezekiel 37:24

Ka nasempa David pen amaute’ kumpi hi ding a, mi khat’ ukna nuai-ah amaute kigawmin, ka thukhamte hoihtakin zui ding uh hi.

Ezekiel 34:24

Topa ahi keimah, amaute’ Pasian ka hi ding a, ka nasempa David, amaute a ukpa hi ding hi. Topa ahi keimah in hih thu ka gen khin hi.

Mattiu 11:29

Keima hakkol zamin kisuan unla, kei kiangah hong kisin dih un. Kei pen kiniamkhiatin nem hithiat ka hih manin ka kiangah na tawl uh a dam ding hi.

Mattiu 2:2

“Jew mite’ kumpi ding ahi naungek a hong suak pen koi lai-ah om ahi hiam? Nisuahna lam pan ama aksi hong suah ciangin ka mu uh a, amah a bia dingin a hong pai ka hi uh hi,” hong ci uh hi.

Micah 5:2

Bethlehem Efrathah khua aw, nang pen Judah gamah khua neupen khat na hi a, ahi zongin nang sung panin Israel-te a uk ding khat ka piangsak ding hi. Ama gui pen tangtawng pek tawh kizom hi.

2 KORIN NIHNA 10:1

Keimah Paul in Khrih migitna le lungduaina tawh note kiangah ka hong thum hi. Kei pen note tawh ka hong omkhawm laitakin a meidawi, note tawh ka omkhawm loh ciangin a tapkual han in hong kigen hi.

Late 9:14

nangmah a hong kiphatnate phawk kikkik inla, na hong hotkhiatna hangin Jerusalem khua sungah ka nuamna ka gengen ding hi.

1 KUMPI MASATE 10:26

Tua ciangin Solomon in leengte le sakol tung tuangte khawm hi. Amah in leeng tul le zali le tuanna sakol tul sawm le tulnih nei a, amah in tuate, leeng khuapite le Jerusalem-ah zattawm dingin a koih hi.

1 KUMPI MASATE 1:33

Kumpipa in amaute kiangah, “Na topa’ nasemte paipih unla, ka tapa Solomon keima la-sakol tungah tuangsakin Gihon-ah paipihsuk un.

2 SAMUEL NIHNA 16:2

Tua ciangin kumpipa in Ziba kiangah, “Bang hangin hihte hong paipih na hi hiam?” a ci hi. Ziba in dawngin, “Late pen kumpipa’ innkuante a tuan nading, anlum le khuakhal singgahte pen tangvalte’ nek ding, le leenggahzu pen gamlakah a gimte’ dawn ding ahi hi,” a ci hi.

Thukhente 12:14

Amah in la sawmsagihte tungah a tuang tapa sawmli le tupa sawmthum nei hi. Amah in Israel-te kum giat sung thu khen hi.

Thukhente 5:10

“A thu gen un, no la puang tungah a tuangte, sualphah puanhoih tungah a tute le lampi-ah a paite aw.

Thu-hilhkikna 17:16

Amah in ama aituam dingin sakol tampi nei lo ding hi. Topa in no kiangah, ‘Hih lampi tawnin na kilehkik ngei kei ding uh hi,’ hong ci ahih manin, amah in sakolte a lei dingin Egypt gamah mite paisak lo ding hi.

Gamlak-vakna 24:19

Jakob tawh ukna na kisem ding a, khuapi sunga a suaktate kisusia ding!” a ci hi.

Johan 1:49

Tua ciangin Nethanel in, “Sia aw, nang, Pasian’ Tapa na hi hi. Israel mite’ Kumpi zong na hi hi,” a cih ciangin

Mattiu 21:6

Nungzui tegel zong Jesuh sawl bangin va pai uh hi.

Luka 24:27

Tua ciangin Jesuh in Lai Siangtho sungah ama thu a kigennate khempeuh, Moses laibu a kipanin kamsangte’ laibu khempeuh a khiatna a gen hi.