Mattiu 21:26 - Tedim Bible

²⁶ Ahi zongin, “Mihingte kiang pan hi,” ci leuleu lehang, mi khempeuh in Johan pen kamsang hi, ci-in ngaihsun uh ahih manin mihonte i kihta zel hi, kici uh hi.

Tedim Bible Revision 2017

²⁶ Ahi zongin, “Mihingte kiang pan hi,” ci leuleu lehang, mi khempeuh in Johan pen kamsang hi, ci-in ngaihsun uh ahih manin mihonte i kihta zel hi, kici uh hi.

Mattiu 21:26 Referans Kwoze

Marka 6:20

Bang hang hiam cih leh Johan pen a thuman mihoih khat hi, ci-in Herod in ngaihsun ahih manin amah zahtakin siatna a thuak nading panin hu hi. Ama thugente in a lungsim nuam losak hi; ahi zongin a thugen zanuam veve hi.

Johan 5:35

Johan pen meivak bangin kuangin a taang hi a, ama khuavak sungah tawlkhat nuamsa-in om ding na ut uh hi.

Mattiu 21:46

Jesuh a man dingin kithawi uh a, ahi zongin mihonte in kamsang khatin ngaihsun uh ahih manin mihonte a kihtak manun a man ngam kei uh hi.

Mattiu 14:5

Herod in Johan that nuam hi. Ahi zongin mite in kamsangin ngaihsun uh ahih manin mite a kihtakna hangin thatsak ngam lo hi.

Mattiu 11:9

Tua ahih kei leh bang a en dingin pai na hi uh hiam? Kamsangpa a en ding maw? Hi hi; kamsangpa a en dingin na pai uh a, tua na muhpa uh kamsang mawkmawk ciang bek hi loin a lianzaw khat ahi hi.

Sawltak 5:26

Tua ciangin biakinn ukpa le a mite va pai-in sawltakte hong paipih kik uh hi. Mihonte in suang tawh amaute a dengawp khak ding lau uh ahih manin sawltakte ngongbawl loin thudam tawh a paipih uh hi.

Johan 9:22

Jesuh pen Khrih hi, ci-in a gen peuhpeuh, kikhopna inn panin hawlkhia ni, ci-in Jew mi uliante in thukimna neikhin uh ahih manin, Jew mi uliante a kihtakna uh hangin a nu le a pate in hih bangin a gen uh ahi hi.

Luka 22:2

Siampi liante le Thukham hilh siate in mihonpite kihta uh ahih manin kuama theih lohin Jesuh a kithah theih nading lampi a zong uh hi.

Luka 20:19

Jesuh in hih thugentehna a gen pen amaute a cihnopna hi, ci-in Thukham hilh siate le siampi liante in thei uh ahih manin Jesuh manpah nuam uh hi; ahi zongin mihonte kihta uh ahih manin manpah ngam lo uh hi.

Luka 20:6

“Mihing tung panin a ngah hi,” ci leuleu lehang, Johan pen kamsang taktak hi, ci-in mi khempeuh in um uh ahih manin suang tawh hong denglum ding uh hi, a kici uh hi.

Marka 12:12

Hih thugentehna pen amaute a cihnopna a a gen ahihlam Jew makaite in thei uh ahih manin Jesuh a kimat theih nading a hanciam uh hi. Ahi zongin mihonpite kihta uh ahih manin Jesuh bangmah cih loin a paisan uh hi.

Marka 11:32

“Mihingte’ tung pan hi,” cih ding lah, mi khempeuh in Johan pen kamsang taktakin ngaihsun uh ahih manin mite i kihta zel hi, a ci uh hi.

Isaiah 57:11

Nang zuautatin kei na hong phawk kei hi. Kei na hong ngaihsut loh nading a piangsak zah dingin hih pasian-te bang hi leltak ahi hiam? Sauveipi sung pau loin ka om hithiat manin kei hong zahtak lo na hi hiam?

Mattiu 21:11

Mihonpite in, “Galilee gam Nazareth khua pana kamsang Jesuh hi,” ci-in a dawng uh hi.

Mattiu 21:25

Johan in tuiphum theih nading thu koi lai panin ngah ahi hiam? Pasian kiang panin thu ngah ahi hiam, ahih kei leh mihingte kiang panin thu ngah ahi hiam?” a ci hi. Amaute khatlekhat kiseel uh a, “Pasian kiang pan hi,” ci lehang, “Bang hangin um lo na hi uh hiam?” hong ci ding hi.

Mattiu 21:27

Tua ahih ciangin Jesuh kiangah, “Ka thei kei uh hi,” ci-in a dawng uh hi. Jesuh in zong amaute kiangah, “Kei zong hih nate, kua thu tawh ka bawl cih ka hong gen kei ding hi,” a ci hi.