Mattiu 21:16 - Tedim Bible

¹⁶ Jesuh kiangah, “Hih naupangte’ otna na za hiam?” ci-in a dong uh hi. Jesuh in, “Ka za hi. Lai Siangtho sungah, ‘Naungekte le naupangte’ kam tawh a cingtaak phatna na gen sak hi,’ a cihna thu sim ngei lo na hi uh hiam?” ci-in a dawng hi.

Tedim Bible Revision 2017

¹⁶ Jesu kiangah, “Hih naupangteʼ otna na za hiam?” ci-in a dong uh hi. Jesu in, “Ka za hi. Lai Siangtho sungah, ‘Naungekte le naupangteʼ kam tawh a cingtaak phatna na gensak hi,’ a cihna thu sim ngei lo na hi uh hiam?” ci-in a dawng hi.

Mattiu 21:16 Referans Kwoze

Late 8:2

naungekte le naupangte’ kam tawh nangmah phatna la kisa hi. Gal na neih manin galte le langpangte na daihsakna dingin panmunkip na bawl khin hi.

Mattiu 11:25

Tua ciangin Jesuh in, “Vantung le leitung Topa ahi ka Pa aw, mipilte le misiamte tungah na ip hih thute, bangmah a thei lo hih mite tungah lak na hih manin ka nuam hi.

Mattiu 19:4

Jesuh in, “Lai Siangtho sungah, ‘A kipat cil-in a Piangsak pa in numei le pasal a bawl hi,’ ci hi.

Mattiu 12:3

Jesuh in amaute kiangah, “David le a kikholhpihte a gilkial laitakun David’ gamtatna thu sim ngei lo na hi uh hiam?

Marka 2:25

Jesuh in, “David in annek ding a kisap laitakin a gamtatna thu sim ngei lo na hi uh hiam? Amah le a mite a gilkial uh hi.

Mattiu 22:31

Misite thawhkikna thu tawh kisai-in note tungah a gen thute sim ngei lo na hi uh hiam?

Marka 13:17

Tua laitakin nupi naupaiite le naungek neite a dingin haksa mahmah ding hi.

Luka 21:23

Tua huna naupaiite le naungek neite a dingin haksa mahmah ding hi. Hih leitungah gimna lianpi hong tung ding a, Pasian in hih mite gim a pia ding hi.