Mattiu 21:15 - Tedim Bible

¹⁵ Ahi zongin siampi liante le Thukham hilh siate in a nalamdang bawlte mu-in, biakinn sungah naupangte in, “David’ suan Jesuh in phatna ngah ta hen!” ci-in a kikona a zak uh ciangin heh uh ahih manin

Tedim Bible Revision 2017

¹⁵ Ahi zongin siampi liante le Thukham hilh siate in a nalamdang bawlte mu-in, biakinn sungah naupangte in, “Davidʼ suan Jesu in phatna ngah tahen!” ci-in a kikona a zak uh ciangin heh uh ahih manin

Mattiu 21:15 Referans Kwoze

Mattiu 21:9

A mai-a pai mihonte le a nunga zui mihonte awng uh a, “David’ suan Jesuh in phatna ngah ta hen! Topa’ min tawh hong pai pa in thupha ngah ta hen! A sangpena om Pasian in phatna ngah ta hen!” a ci uh hi.

Johan 12:19

Tua ciangin Farisi mite khatlekhat kiho uh a, “Bangmah i cihzo het kei hi. En un, mi khempeuh in amah a zui khinta uh ahi hi,” a kici uh hi.

Johan 11:57

Bang hang hiam cih leh siampi liante le Farisi mite in Jesuh a mattheih nadingun, “Jesuh a omna a thei na om uhleh hong ko un,” ci-in thupiakna nei khinzo uh hi.

Johan 7:42

Khrih i cih pen David’ suan hi ding a, David’ suahna Bethlehem khua-ah suak ding hi, ci-in Lai Siangtho sungah kigelh hi lo ahi hiam?” a ci uh hi.

Johan 4:1

Jesuh in Johan sangin mi tam ngahzaw in a tuiphumna thu Farisi mite in a za uh hi.

Luka 22:66

Khua a vak ciangin upate, siampi liante, le Thukham hilh siate hong kikhawm uh a, uliante mai-ah Jesuh hong kipaipih hi.

Luka 22:2

Siampi liante le Thukham hilh siate in mihonpite kihta uh ahih manin kuama theih lohin Jesuh a kithah theih nading lampi a zong uh hi.

Luka 20:1

Nikhat, Jesuh in biakinntual sungah mite kiangah thu hilhin, Lungdamna Thu genin a om laitakin, siampi liante, Thukham hilh siate, le upate hong paikhawm uh a,

Marka 11:18

Siampi liante le Thukham hilh siate in hih thu a zak uh ciangin Jesuh a thahtheih nading uh lampi a zong uh hi. Ahi zongin mihonpi in ama thuhilhna lamdangsa uh ahih manin amaute in Jesuh a kihta uh hi.

Mattiu 27:20

Barabbas khahin Jesuh a thah nadingin Pilat kiangah a nget nadingun siampi liante le upate in mihonte a hanthawn uh hi.

Mattiu 27:1

A zingsang ciangin siampi liante le upate in Jesuh a thah nading uh a vaihawm uh hi.

Mattiu 26:59

Siampi liante le uliante in Jesuh a thahtheih nadingun zuau teci a pang ding mi a zong uh hi.

Mattiu 26:3

Tua ciangin siampi lianpen Kaiafas inn-ah siampi liante le upate kikhawm uh a,

Mattiu 22:42

“Note in Khrih kua hi ci a, kua’ suan hi, ci-in ngaihsun na hi uh hiam?” ci-in a dong hi. Amaute in, “David’ suan hi,” ci-in a dawng uh hi.

Mattiu 21:23

Biakinn tual sungah Jesuh lutkik a, thuhilhin a om laitakin siampi liante le upate ama kiangah hong pai uh a, “Hih nate kua thu tawh bawl a, na bawl nading kua in aana hong pia ahi hiam?” ci-in a dot uh ciangin

Mattiu 9:27

Tua lai panin Jesuh a paikhiat ciangin mittaw mi nih in a nungah hong zui-in nakpitakin kiko uh a, “David’ suan Jesuh aw, kote hong hehpih in,” ci-in a thum uh hi.

Isaiah 26:11

Topa aw, amaute gim na piak ding lamtak na galte in thei lo uh hi. Amaute maizumna thuaksak inla, amaute a dingin na geelsa gimnate amaute thuaksak in. Na mite na itna thu na galte tungah kilangsak in.

Mattiu 20:24

Nungzui dang sawmte in hih thu a zak uh ciangin hih unau nihte tungah a heh uh hi.