Mattiu 20:6 - Tedim Bible

⁶ Nitak nai nga ciangin mihon omna sumbukah a pai leh mi pawlkhat a mawk om mu ahih manin, ‘Bang hangin bangmah sem loin sunthapai mawk om na hi uh hiam?’ ci-in a dot ciangin

Tedim Bible Revision 2017

⁶ Nitak nai nga ciangin mihon omna sumbuk ah a pai leh mi pawl khat a mawk om mu ahih manin, ‘Bang hangin bangmah sem loin sunthapai mawk om na hi uh hiam?’ ci-in a dot ciangin

Mattiu 20:6 Referans Kwoze

Hebru 6:12

Note thadah loin upna le lungduaina a nei mite bangin, Pasian’ hong ciamsa thu na ngah nadingun ka hong deihsak uh hi.

Johan 9:4

Sun khuavak laiteng kei hong sawl pa’ na i sem ding hi. Kuamah in na a sep theih loh zan hun zong hong tung ding hi.

Sawltak 17:21

(Athen khuamite le tua khua-a om gamdang mite in thu thak la thak ngaihsunin kikup ding simloh thudang ngaihsutin nei lo uh hi.)

Paunak 19:15

A thadahte lumlum a, a mawk omte a gil kial hi.

Ezekiel 16:49

Na sanggamnu’ mawhna pen: Amah le a tanute in nek ding tampi nei-in nuamsa mahmahin, daitakin om uh ahih manin amaute kiphasak uh a, a zawng a cimawhte don lo uh hi.

Thuhilh-sia 9:10

Na mai-ah sep ding a om khempeuh, na tha neihzah tawh sem in. Bang hang hiam cih leh na zuat ding sihna gam sungah nasepna le thungaihsutna, pilna le theihna cihte om lo hi.

Mattiu 20:5

Tua ciangin sun sawm le nih ciangin pawlkhat cial leuleu a, nitak nai thum ciangin pawlkhat a cial lai hi.

Mattiu 20:7

amaute in, ‘Kuamah in nasem dingin hong cial lo hi,’ ci-in a dawng uh hi. Tua ciangin amaute kiangah, ‘No zong leenggah lo-ah va kuan un,’ a ci hi.

Mattiu 20:9

Nitak nai nga hunin a kipan nasemte ngun peek khat ciat kipia hi.