Mattiu 20:30 - Tedim Bible

³⁰ Lampi gei-ah a tu mittaw mi nih in tua lampi tawnin Jesuh hong pai hi, ci-in a zak uh ciangin nakpitakin kiko uh a, “David’ suan Topa aw, kote hong hehpih in,” a ci uh hi.

Tedim Bible Revision 2017

³⁰ Lampi gei ah a tu mittaw mi nih in tua lampi tawnin Jesu hong pai hi, ci-in a zak uh ciangin nakpi takin kiko uh a, “Davidʼ suan Topa aw, kote hong hehpih in,” a ci uh hi.

Mattiu 20:30 Referans Kwoze

Marka 10:46

Tua ciangin Jerikho khua a tung uh hi. Tua khua panin a nungzuite le mihonpite tawh a paikhiat laitakun, Timias’ tapa a mittaw khutdawhin a ngen Bartimias, lampi gei-ah na tu hi.

Mattiu 22:42

“Note in Khrih kua hi ci a, kua’ suan hi, ci-in ngaihsun na hi uh hiam?” ci-in a dong hi. Amaute in, “David’ suan hi,” ci-in a dawng uh hi.

Mattiu 21:14

Biakinn sung Jesuh kiangah mittawte le khebaite hong pai uh a, amah in amaute a damsak hi.

Mattiu 21:9

A mai-a pai mihonte le a nunga zui mihonte awng uh a, “David’ suan Jesuh in phatna ngah ta hen! Topa’ min tawh hong pai pa in thupha ngah ta hen! A sangpena om Pasian in phatna ngah ta hen!” a ci uh hi.

Sawltak 2:30

David pen kamsang hi a, ama tunga Pasian’ thuciam a thei hi. Ama suante khat, amah bang teek mahin kumpi-in a bawl nading Pasian in thu a ciam hi.

Luka 7:21

Tua hun laitak mahmahin natna a tuamtuamte tampi damsakin, dawivei mite sung panin dawite hawlkhia a, mittaw mi tampi khua a musak hi.

Luka 4:18

“Gimna a thuak mite tungah Lungdamna Thu a hilh dingin Topa in kei hong sehkhin ahih manin keima sungah Topa’ kha hong om hi. Salin a kimante tungah suahtakna thu a gen ding, mittawte in khua a muhkik theih nading, a kinengniamte a suaktasak ding le

Mattiu 15:22

Tua gamah a teng Kanaan nupi khat hong pai-in hong kiko a, “David’ suan, Topa aw, kei hong hehpih in. Ka tanu in dawi vei a, nasia mahmah hi,” ci-in a hong thum hi.

Isaiah 59:10

Mittaw bangin kawm i zawt a, mit nei lote bangin i mai hi. Suntang laipi mahin khuamial lak bangin i tuk a, a hat mite lakah misi tawh i kibang hi.

Isaiah 42:18

“Bilngongte aw, za un. Mittawte aw, na muh theih nadingun en un!

Isaiah 42:16

“Amau’ theih loh lampi-ah mittawte ka paipih ding a, amau’ theih ngei loh sul zuihpihin ka kha ding hi. Amau’ mai-ah khuamial pen khuavak suaksakin, a phokna munte a tamin ka bawl ding hi. Hihte pen keima hih ding nate hi a, tuate sem loin ka nusia kei ding hi.

Isaiah 29:18

Tua ni ciangin bilngongte in laibu sunga thute za ding a, lungzinna le khuamialna sung panin mittawte’ mit in mu ding uh hi.

Late 146:8

Topa in mittawte khua a musak hi. Topa in niamsakna a thuak mite sangtosak a, Topa in thuman mite a it hi.

Mattiu 13:4

Khaici a vawh ciangin pawlkhatte lo lai lam dungah tu a, vasate hong leengin a ne uh hi.

Mattiu 20:31

Mihonpite in tua mi tegel a kikoko loh nadingun a taii uh hi. Ahi zongin amaute kiko pha semsem uh a, “David’ suan Topa aw, kote hong hehpih in,” a ci teitei uh hi.