Mattiu 20:3 - Tedim Bible

³ Zingsang nai kua hun ciangin mihon omna sumbukah pai leuleu a, mi pawlkhat bangmah sem loin a mawk om a muh ciangin,

Tedim Bible Revision 2017

³ Zingsang nai kua hun ciangin mihon omna sumbuk ah pai leuleu a, mi pawl khat bangmah sem loin a mawk om a muh ciangin,

Mattiu 20:3 Referans Kwoze

1 TIMOTI MASA 5:13

Tua bek zong hi loin, bangmah sem loin inn khat pan inn khatah vak kawikawi-in a hun uh mawk beisak uh a, a vakmawk uh tawh maisak loin mi gensia kawikawi-in midangte va nawngkaisak uh a, a gen lohpi ding teng uh genin va nei uh hi.

Sawltak 2:15

Tuhun pen zingsang nai kua hi pan ahih manin, note’ ngaihsut bangin hih mite zukham hi lo uh hi.

Marka 15:25

Jesuh, singlamteh tungah a khai hun pen zingsang nai kua laitak ahi hi.

Ezekiel 16:49

Na sanggamnu’ mawhna pen: Amah le a tanute in nek ding tampi nei-in nuamsa mahmahin, daitakin om uh ahih manin amaute kiphasak uh a, a zawng a cimawhte don lo uh hi.

Paunak 19:15

A thadahte lumlum a, a mawk omte a gil kial hi.

Hebru 6:12

Note thadah loin upna le lungduaina a nei mite bangin, Pasian’ hong ciamsa thu na ngah nadingun ka hong deihsak uh hi.

Mattiu 20:2

Ni tha ngeina ngun peek khat piak dingin a kithukim khit uh ciangin a leenggah lo-ah na a sem dingin pawlkhat a kuansak hi.

Mattiu 20:4

‘No zong leenggah lo-ah va kuan un; a kilawm zah khat ka hong pia ding hi,’ a cih ciangin pawlkhat a kuan uh hi.

Sawltak 16:19

Tua numei’ tote in a sumngah nading uh beita hi, ci-in a phawk uh ciangin Paul le Silas man uh a, thukhente omna sumbuk tualah a kai uh hi.