Mattiu 20:22 - Tedim Bible

²² Ahi zongin Jesuh in, “Na nget uh na thei kei uh hi. Ka thuak ding gimna note in thuakzo ding na hi uh hiam?” ci-in a dot ciangin amaute in, “Ka thuakzo ding uh hi,” a ci uh hi.

Tedim Bible Revision 2017

²² Ahi zongin Jesu in, “Na nget uh na thei kei uh hi. Ka thuak ding gimna note in thuak zo ding na hi uh hiam?” ci-in a dot ciangin amaute in, “Ka thuak zo ding uh hi,” a ci uh hi.

Mattiu 20:22 Referans Kwoze

Luka 22:42

“Pa aw, nangma ngaihsutna bang ahihkhak leh hih ka thuak ding gimna tawh hong kipelhsak in. Ahi zongin kei deihna bang hi loin nangma deihna bang hi ta hen,” a ci hi.

Mattiu 26:42

Tua ciangin a nihveina va paikikin thu ngen a, “Pa aw, keima thuak lohin ahi thei lo ding ahihleh nangma deihna bang hi ta hen,” a ci hi.

Johan 18:11

Tua ciangin Jesuh in Peter kiangah, “Na namsau a paai-ah siat in. Ka Pa in thuak dingin a hong piak thu thuak lo ding ka hi hiam?” a ci hi.

Marka 14:36

“Pa aw, na khempeuh na hihthei hi. Hih ka thuak ding gimna tawh hong kipelhsak in. Ahi zongin kei’ deihna bang hi loin nangma deihna bang hizaw hen,” a ci hi.

Mattiu 26:39

tawmkhat pai lai-in leilakah bokin thu ngen a, “Pa aw, ahi thei ding ahihleh hih thuak nading tawh hong kipelhsak in. Ahi zongin kei’ deihna bang hi loin nangma deihna bang hizaw ta hen,” a ci hi.

ROM (Romans) 8:26

Tua ahih manin eite bangzahin ginalo hitalehang eite a hong huh dingin Kha Siangtho a hong pai hi. Eite in a kilawm bangin thunget ding nangawn i thei kei a, ahi zongin Kha Siangtho mah in tauna tawh eite a dingin a hong thumsak hi.

Isaiah 51:22

Ama mite a dingin a thumsak Topa, Topa ahi note’ Pasian in hih bangin ci hi: “En un, note’ khutsung panin hoina hai ka lakhia khin a, ka hehna haipi na dawn nawn kei ding uh hi.

Jeim 4:3

Pasian kiangah na nget sun uh ciangin zong note’ nopsak nading bek ngenin, na ngaihsutna uh man lo ahih manin a ngah lo na hi uh hi.

Luka 12:50

Gimna sungah ka kiphum nading khat om a, tua thu a kikhit matengin ka lungsim a nuam thei kei hi.

Jeremiah 49:12

“Bang hang hiam cih leh Topa in kong cihin-ah: Gim a thuak dingin a kilawm lo mite nangawn in thuak veve uh ahihleh note in zong thuak loin om ding na hi uh hiam? Note in gim thuak loin na om kei ding uh a, na thuak veve ding uh hi.

Mattiu 26:56

Ahi zongin Lai Siangtho sungah kamsangte’ thugente a tuntheih nadingin hih bangin a hong gamta na hi uh hi,” a ci hi. Tua ciangin a nungzuite khempeuh in Jesuh nusia-in a taisan uh hi.

Paunak 16:18

Kisaktheihna in siatna hong tuaksak a, kiphatsakna in pukna hong piangsak hi.

Late 75:3

Leitung le a tunga tengte khempeuh a kilin’ ciangin a khuampite a kipsak pa keimah ka hi hi.

Mattiu 26:35

Ahi zongin Peter in, “Nang tawh sihkhawm nading ciang dong ahi zongin kong nial ngei het kei ding hi,” a ci veve hi. Tua mah bangin nungzui dang khempeuh in zong a ci ciat uh hi.

Isaiah 51:17

Topa’ khutsung panin ama gimpiakna hai a dawn khin, hoina haipi a tawdat dongin a dawn khin Jerusalem aw, nangmah kisosuah tawm in. Nangmah kihanthawn tawm inla, dingtangto in.