Mattiu 20:15 - Tedim Bible

¹⁵ Keima sum pen keima ut bangin ka zattheih ding hi lo ahi hiam? Tua ahih kei leh kei ka cit manin na heh suak ahi hiam?’ a ci hi.

Tedim Bible Revision 2017

¹⁵ Keima sum pen keima ut bangin ka zat theih ding hi lo ahi hiam? Tua ahih kei leh kei ka cit manin na heh suak ahi hiam?’ a ci hi.

Mattiu 20:15 Referans Kwoze

Thu-hilhkikna 15:9

Na lungsim uhah ngaihsutna hoih lo omin, ‘Kum sagihna, maisakna kum hong nai hi,’ ci-in na sanggampa galmi et-in amah bangmah na piak loh uh ciangin na langkhatah Topa’ tungah amah kiko-in, no tungah khialhna a suahkhak ding kingaihsun un.

Marka 7:22

huaihamna, gitlohna, khemna, gamtat hoih lohna, enna, mi gensiatna, kisialhna, le haitatna a piangsakthei ngaihsutna hoih lote khempeuh,

Mattiu 6:23

Ahi zongin na mit uh maang leh na pumpi uh a dingin khua a mial hi. Tua ahih manin note’ sunga a om khuavak pen a mial hileh tua mialna pen nasia mahmah ding hi.

Johan 17:2

Bang hang hiam cih leh Tapa tungah na piak mi khempeuh tungah Tapa in nuntak tawntungna a piaktheih nadingin mi khempeuh tungah ukna aana a neih nadingin Tapa tungah na hong piaksa ahi hi.

Efesa 2:1

A beisa hunah na thuman lohna uh le na mawhna uh hangin kha thu tawh kisai-ah a si na hi uh hi.

Efesa 1:11

Na khempeuh, Pasian’ ngaihsutna le a geelsa bangin a piang hi. A cil pek a kipanin a ngaihsutsa thu tawh kizui-in Khrih tawh i kipawlna hangin Pasian’ tate ihih nadingin Pasian mah in a hong sehsa ihi hi.

1 KORIN MASA 4:7

Note in bang kisaktheihpih na hi uh hiam? Tu-a na neih khempeuh uh Pasian’ hong piak hi lo ahi hiam? Tua ahihleh hong kipiasa bek ahih manin a bang kisaktheihpih na hi uh hiam?

Sawltak 13:45

Jew mite in mi tampi tak a hong kikhawm a muh uh ciangin Paul le Barnabas haza uh ahih manin Paul’ thugente a man lopi hi, ci-in Paul a gensia uh hi.

Mattiu 11:25

Tua ciangin Jesuh in, “Vantung le leitung Topa ahi ka Pa aw, mipilte le misiamte tungah na ip hih thute, bangmah a thei lo hih mite tungah lak na hih manin ka nuam hi.

Paunak 28:22

A huaiham mi in a hauh nadingin huai mengmeng a, a tawpna-ah a zawn’ ding lamtak phawkkha lo hi.

Paunak 23:6

A cil tentan mite’ an neksak kei unla, a anlimte uh duhgawhkha kei un.

Thu-hilhkikna 28:54

Note lakah a ngeksuak, a cithei pen mipa in a sanggampa, a it a zi, le amah tawh a om a tate a nunung pen’ tungah an pia nuam lo ding hi.

Paikhiatna 33:19

Amah in, “Keima hoihna khempeuh na mai-ah ka paisak ding a, na mai-ah keima min, ‘Topa’ cihna ka pulak ding hi. Ka diknopna mite tungah ka dik ding a, ka hehpihnop mite ka hehpih ding hi.

Jeim 5:9

Sanggamte aw, Pasian in note tungah thu hong khenkhak loh nadingin khatlekhat na kiphunsan kei un. Thukhen ding pa hong nai mahmah ta a, hong tung dektak ta hi.

Jeim 1:18

Ama piansakte khempeuh lakah eite a masa pen i suahtheih nadingin thuman thutak zangin ama utthu tawh eite a hong piangsak tawm ahi hi.

Efesa 2:5

i mawhna hangin kha thu tawh kisai-in misi ihih laitakin Khrih tawh eite hong nungtasak hi. Pasian’ hehpihna hangin hotkhiatna a ngah thei ihi hi.

Jeremiah 18:6

“Israel mite aw, Topa in kong cihin-ah, hih beelseek pa’ hih bangin note zong hong hih thei lo ding ka hi hiam? En un, beelseek pa’ khutsunga buan tawh kibangin, Israel mite aw, kei’ khut sungah note na om uh hi.

Mattiu 20:14

Hih na thalawhsa sum la inla ciah in. Nang ka hong piakzah mah, hih a kicial nunungte tungah zong ka pia nuam hi.