Mattiu 20:12 - Tedim Bible

¹² ‘A nunungte in nai khat sung bek sem napi-in, sunthapai-in nisa thuakin na a sem kote tawh na kikimsak hi,’ a ci uh hi.

Tedim Bible Revision 2017

¹² ‘A nunungte in nai khat sung bek sem napi-in, sun thapai-in nisa thuakin na a sem kote tawh na kikimsak hi,’ a ci uh hi.

Mattiu 20:12 Referans Kwoze

Luka 12:55

Leitaw lam panin huih hong nun’ ciangin, ‘Ni hong sa ding hi,’ na ci uh a, tua mah bangin ni hong sa takpi hi.

Jeim 1:11

Ni hong suakin a sat ciangin lopate vul a, a paakte pulhin a hoihnateng a bei mah bangin a haute zong manlahin a om laitakun siatna a thuak ding uh ahi hi.

Efesa 3:6

Tua thusim pen: Lungdamna thu a kihilhna hangin Gentail mite in Jew mite tawh Pasian’ thupha ngahkhawm thei a, amaute tawh pawlkhat suakin, Pasian in piak dingin a ciam thute, Khrih hangin a ngahkhop theihna uh ahi hi.

1 KORIN MASA 4:11

Tuni ciang dong gilkial dangtakin puansilh ding nangawn nei loin ka om uh hi. Inn le lo zong nei loin hong kinotsuk hong kinotto kawikawi hi.

ROM (Romans) 3:30

Pasian khat bek hi a, a upna uh hangin Jew mite amah tawh a kipawl thei-in a bawl mah bangin Gentail mite zong a upna uh hang mah tawh amah tawh a kipawl thei-in a bawl hi.

ROM (Romans) 3:27

Tua ahihleh mihingte in i kisialhpih ding bang om ahi hiam? Bangmah om lo hi. Bang bulphuh ding ihi hiam? Thukham zuihna bulphuh ding ihi hiam? Hi lo hi. I upna a bulphuh ding ihi hi.

Malakhi 3:14

Note in, ‘Pasian’ na i sep a mawkna hi. Ama hong sawl bangin i sep hangin bang a kimanna om a, i gamtatnasate hangin i dahna lim, Vanglian Topa’ mai-ah i lah hangin bang phattuamna om ahi hiam?

Malakhi 1:13

Note in, ‘Hihte cimtak khin hang,’ ci-in nong nap nitsan lel uh hi. Keimah biak nadingin a kigu ganhing khatpeuh ahi a, a liam a bai, ahih kei leh a cina peuh nong paipih uh hi. Tua bangte, a sang dingin hong ngaihsun na hi uh hiam?

Jonah 4:8

Ni hong suah ciangin Pasian in nisuahna lam panin huih a sa mahmah nungsak a, ni in zong Jonah’ luzang kapsuk veva ahih manin a gim mahmah hi. Tua ciangin amah in, “Ka nuntak sangin si leng kei a dingin hoihzaw hi,” ci-in a sih nading thu a ngen hi.

Mattiu 20:11

A sum a san uh ciangin lo nei pa tungah phun uh a,