Mattiu 2:2 - Tedim Bible

² “Jew mite’ kumpi ding ahi naungek a hong suak pen koi lai-ah om ahi hiam? Nisuahna lam pan ama aksi hong suah ciangin ka mu uh a, amah a bia dingin a hong pai ka hi uh hi,” hong ci uh hi.

Tedim Bible Revision 2017

² “Jew miteʼ kumpi ding ahi naungek a hong suak pen koi lai ah om ahi hiam? Nisuahna lam pan ama aksi hong suah ciangin ka mu uh a, amah a bia dingin a hong pai ka hi uh hi,” hong ci uh hi.

Mattiu 2:2 Referans Kwoze

Gamlak-vakna 24:17

Amah ka mu hi; ahih hangin tunai hun hi lo hi: Jakob sung pan aksi khat hong suakkhia ding a, Israel sung pan kumpi ciangkhut hong piang ding hi. Tua in Moab thaltang satkham ding a, Sheth’ suante khempeuh sugawp ding hi.

Jeremiah 23:5

“En un, Topa in kong cihin-ah, keimah in David’ suan lak panin kumpi dingin a diktat mi khat ka khankhiatsak ni hong tung ding hi. Amah gam uk siam mahmah ding a, gam sungah thuman thutang tawh thu hong khen ding hi.

Mangmuhna 22:16

“Keimah Jesuh in pawlpite a dingin hih thute nang kiangah a hong gen dingin ka vantungmi ka hong sawl hi. Kei pen David’ zung le a suan ahi, zingsol ka hi hi,” a hong ci hi.

Zekhariah 9:9

Zion mite aw, nakpitakin lungdam un. Jerusalem mite aw, lungdamin awng un. En un, na kumpipa uh hong pai hi. Amah, gualzawhna tawh hong pai hi. Ahi zongin kiniamkhiatna tawh hong pai a, sin nai loh lano tungah hong tuang hi.

Isaiah 60:3

Nangma khuavak sungah minam dangte hong pai ding uh a, nangma taankhiatna sungah kumpite hong pai ding uh hi.

Johan 18:37

Tua ciangin Pilat in, “Tua ahihleh nang kumpi hi lo na hi hiam?” a cih leh Jesuh in, “Kumpi hi, nangmah in na hong ci hi. Hih thuman a genkhia dingin mi hong suakin leitungah a hong pai ka hi hi. Hih thuman tawh a kizom mi peuhmah in keima thugen hong zui uh hi,” a cih ciangin

Hebru 1:6

Tua banah, Pasian in leitungah a Tapa neihsun hong paisak ding ciangin, “Pasian’ vantungmi khempeuh in amah bia ding uh hi,” na ci hi.

Luka 23:38

“Jew Mite’ Kumpipa hi,” ci-in a kigelh lai zong ama tung sanah kisuang hi.

Luka 23:3

Tua ciangin Pilat in, “Nang, Jew mite’ kumpipa na hi hiam?” ci-in a dot ciangin, “Nang zong tua mah nong ci hi,” ci-in a dawng hi.

Late 2:6

“Ka mual siangtho Zion tungah ka kumpi ka tusak khin hi,” ci hi.

Johan 1:49

Tua ciangin Nethanel in, “Sia aw, nang, Pasian’ Tapa na hi hi. Israel mite’ Kumpi zong na hi hi,” a cih ciangin

Luka 19:38

“Pasian in Topa’ tangin a hong pai kumpipa, thupha pia tahen. Vantungah nopna om hen la, Pasian’ min thang ta hen,” ci-in a awng uh hi.

Luka 2:11

Tuni-in David khuapi sungah, note a hong honkhia ding Khrih Topa a suak hi.

Jeremiah 30:9

Topa, amau’ Pasian’ na ahi a, amaute’ kumpipa-in ka koih ding David’ na ahi zongin a semzaw ding uh hi.

Late 45:11

Na melhoihna hangin kumpipa in hong deih ding hi. Na topa ahih ciangin ama mai-ah kun in.

Johan 9:38

amah in, “Topa aw, ka hong um hi,” ci-in Jesuh a bia hi.

Johan 19:19

Pilat in lai khat gelhsakin, “Jew mite’ Kumpipa, Nazareth khuami Jesuh,” cisak a, singlamteh tungah a suangsak hi.

Johan 12:13

Tua ahih manin amah a dawn dingin Jerusalem panin mihonpi paikhia-in nisuh hiangte tawikawmin, “Pasian phat un! Pasian in Topa’ min tawh hong pai pa thupha pia ta hen! Pasian in Israel Kumpipa thupha pia ta hen!” ci-in a kiko uh hi.

Mattiu 27:11

Tu-in gam ukpa Pilat mai-ah Jesuh kidingsak ahih manin amah in, “Nang, Jew mite’ Kumpipa na hi hiam?” ci-in a dot ciangin Jesuh in, “Nang zong tua mah nong ci hi,” ci-in a dawng hi.

Johan 20:28

Thomas in zong, “Ka Topa, ka Pasian!” ci-in a dawn ciangin

Mattiu 21:5

Tua a genna-ah, “En un, na kumpipa uh hong pai hi. Kiniamkhiatna tawh lapi tung le lano tungah tuangin hong pai hi, ci-in Zion khuamite kiangah gen un,” a ci hi.

Mattiu 2:3

Kumpi Herod in hih thu a zak ciangin lamdangsa mahmah a, Jerusalem khuami khempeuh in zong lamdang a sa ciat uh hi.