Mattiu 19:22 - Tedim Bible

²² Tangvalpa in hih thu a zak ciangin, amah hau mahmah ahih manin, mai khingin a paikhia hi.

Tedim Bible Revision 2017

²² Tangvalpa in hih thu a zak ciangin, amah hau mahmah ahih manin, mai khingin a paikhia hi.

Mattiu 19:22 Referans Kwoze

Mattiu 6:24

“Kuamah, to nih’ sila hikhawm thei lo hi. Khat mudahin khat it ding a, khat tungah thumanin khat simmawhbawl ding hi. Note in Pasian’ na le leitung sum na na semkhawm zo kei ding uh hi.

Ezekiel 33:31

Tua ciangin nangma thugen a za dingin ka mite hong kisutuah uh a, ahi zongin nangma gen bangin amaute gamta lo uh hi. Amaute a kamun hoih khem napi-in, a lungsim uhah amau’ meetna ding bek ngaihsun uh hi.

Mattiu 13:22

Lingbulsum omna leilakah a tu khaicite pen Pasian’ thu za napi-in amau nuntakna sung uhah leitung lunghihmawhna le hauh nopnate in Pasian’ thu vuknelh ahih manin bangmah a suakkhia zo lote a cihnopna ahi hi.

Kolose 3:5

Tua ahih manin nulepa mawhna, a kilawm lo gamtatna, hukna lanna, a hoih lo lunggulhna, le milim biakna nam khat ahih manin huaihamna ahi note sungah a om leitung lungsimte na sisak un.

Efesa 5:5

Nulepa khialhna a gamta mi, a kilawm lo-a a gamta mi, le a huaiham (huaihamna zong milim biakna zahin sia hi) mite in Khrih Ukna le Pasian Ukna sungah bangmah ngah nei het lo ding ahihna uh teltakin thei ta un.

Marka 10:22

Tua mipa mihau khat ahih manin hih thu a zak ciangin, maikhingin a dahsa-in a paikhia hi.

Mattiu 16:26

Mi khatpeuh in hih leitung khempeuh a ngah hangin a nuntakna bulpi suplawh leh bang phattuamna om ahi hiam? A nuntakna bang tawh leikik thei nawn ding ahi hiam?

Luka 18:23

Ahi zongin tua mipa in hih thu a zak ciangin amah hau mahmah ahih manin a dah a suak hi.

Mattiu 14:9

Kumpipa dah mahmah hi. Ahi zongin a kiciamnasa ahihna hang leh a leenglate’ maitang a zahtakna hangin a ngetna a kipiak nadingin thu a pia hi.

Marka 6:26

Hih thu a zak ciangin kumpipa dah mahmah hi. Ahi zongin a kiciamnasa hang le a leenglate’ maitang a zahtakna hangin nial ngam lo hi.

Mattiu 19:21

Jesuh in, “Mi cingtaak na hihnop leh pai-in na neihsate va zuak inla, na sum khotte, mizawngte tungah va pia lecin, vantungah sum na hau ding hi. Tua ciangin hong pai inla kei hong zui in,” a ci hi.

Mattiu 19:23

Tua ciangin Jesuh in a nungzuite kiangah, “A mantak a kong genin-ah: Mihau khat pen vantung ki-ukna sungah a lut ding haksa mahmah ding hi.

Johan 16:20

A taktakin ka hong genin-ah, note dahin na kap ding uh a, ahi zongin leitung mite lungdam ding uh hi. Note na dah ding uh a, ahi zongin na dahna uh lungdamna hong suak ding hi.