Mattiu 18:9 - Tedim Bible

⁹ Na mit in hong khialhsak leh khelkhia inla paikhia in. Mit kim nei-in hell khuk sungah hong kikhul sangin mit langkhat bek tawh nuntakna sungah lut lecin nang a dingin hoihzaw ding hi.

Tedim Bible Revision 2017

⁹ Na mit in hong khialhsak leh khel khia inla paikhia in. Mit kim nei-in hell khuk sungah hong kikhul sangin mit lang khat bek tawh nuntakna sungah lut lecin nang adingin hoih zaw ding hi.

Mattiu 18:9 Referans Kwoze

Sawltak 14:22

Thu um mite a upna uhah citakin a om nadingun hanthawnin tha pia uh a, “Pasian’ Ukna sungah i omtheih nadingin haksatna tampi thuak ding hi hang,” ci-in a hilh uh hi.

Mattiu 18:8

“Na khut ahi a, na khe in ahi zongin hong khialhsak leh sattan inla paikhia in. Meikuang tawntung sungah khut kim khe kimin hong kikhiat sangin nuntakna sungah khut sam khe samin lut lecin nang a dingin hoihzaw ding hi.

Mattiu 5:29

Tua ahih manin na mit taklam in na mawh nading hong piansak leh khelkhia inla paai in. Na pumpi bupin hell khuk sungah hong kikhul sangin na pumpi na khat pelem leh nang a dingin hoihzaw lai hi.

Mattiu 5:22

Ahi zongin ke’n note kiangah kong genin-ah: A sanggampa tungah a heh mi in thukhenna thuakkha thei ding hi. A sanggampa kiangah, ‘Bangmah a kimang lo,’ ci-in a ko bawl mi in uliante mai-ah thusitna thuak thei ding a, a sanggampa kiangah, ‘Mi hai,’ ci-in a simmawh mi in hell meikuang sungah khulna thuak thei ding hi.

Mangmuhna 21:27

Ahi zongin a siang lo, a hoih loin a gamta mi, zuau a gen mite kuamah lut thei lo ding uh a, a nungta mite a kigelhna Tuuno laibu sungah a min a omte bek tua khuapi sungah lutthei ding uh hi.

Hebru 4:11

Tua ahih manin amaute in a uploh manun Pasian’ tawlngakna munah a lut zawh loh uh bang hi loin va pai-in Pasian tawh i tawlngak khawm theih nadingin hanciam ciat ni.

Marka 9:47

Na mit in hong khialhsak leh khelkhia in. Mit kim tawh hell khuk sungah hong kikhiat sangin mit langkhat taw-in Pasian’ Ukna sungah om lecin nang a dingin hoihzaw hi.

Mattiu 19:17

Jesuh in, “Bang hangin bang hoih hiam cih thu hong dong na hi hiam? A hoih khat bek om hi. Nuntak tawntungna sungah na lutnop leh thukhamte na zui in,” ci-in a dawng hi.

Mattiu 16:26

Mi khatpeuh in hih leitung khempeuh a ngah hangin a nuntakna bulpi suplawh leh bang phattuamna om ahi hiam? A nuntakna bang tawh leikik thei nawn ding ahi hiam?