Mattiu 18:4 - Tedim Bible

⁴ Hih naupang bangin a kiniamkhiat mite, vantung ki-ukna sungah a lianpen hi ding hi.

Tedim Bible Revision 2017

⁴ Hih naupang bangin a kiniamkhiat mite, vantung ki-ukna sungah a lianpen hi ding hi.

Mattiu 18:4 Referans Kwoze

Jeim 4:10

Topa mai-ah kiniamkhiat un. Tua hileh amah in hong lian bawl ding hi.

Luka 14:11

Bang hang hiam cih leh a kiliansakte khempeuh in niamkhiatna thuak ding uh a, a kiniamkhiatte khempeuh a lianin kibawl ding hi,” a ci hi.

Marka 10:43

Ahi zongin note lakah tua bangin hi lo ding hi. Note lakah a lian nuam khat peuhpeuh, adangte khempeuh’ nasem hi ding a,

Luka 9:48

a nungzuite kiangah, “Keima hangin hih naupang a limbawl mi peuhmah in kei hong limbawl hi a, kei hong limbawl mi peuhmah in kei hong sawl pa zong a limbawl ahi hi. Note khempeuh lakah a neupen pa a lianpen pa ahi hi,” a ci hi.

1 PETER MASA 5:5

Tua mah bangin no khangnozaw deuhte in zong a khanghamte’ thu na mang un. Lai Siangtho in, “Pasian in a kiphasak mite nial a, a kiniamkhiat mite a hehpih hi,” a cih mah bangin na vekpi-un kiniamkhiatna puan bangin silhin, khatlekhat na na kisepsak un.

Mattiu 18:1

Tua laitakin Jesuh kiangah nungzuite hong pai uh a, “Vantung ki-ukna sungah kua lianpen ding ahi hiam?” ci-in a dot uh ciangin,

Isaiah 57:15

Bang hang hiam cih leh a sang, a lian, a nungta tawntung Pa, ama min Siangtho ahipa in hih bangin ci hi: “Kei pen a sangna mun le a siangtho munah ka om a, a kiniamkhiat mite’ lungsim le a kisik mite’ lungsim a thakhauhsakkik dingin kisikna le kiniamkhiatna lungsim a neite tawh zong kei ka omkhawm hi.

Mattiu 18:3

“A man mahmahin note kiangah kong genin-ah: Note kikheelin naupang na bat kei uhleh vantung ki-ukna sungah na lut ngei kei ding uh hi.

Mattiu 18:5

Keima min hangin hih bang naupang khat a limbawl mi in kei zong hong limbawl ahi hi.

Marka 9:34

Kua lianpen ihi hiam, ci-in lampi-ah amau khatlekhat kisel uh ahih manin kuamah in dawng ngam lo uh hi.