Mattiu 18:31 - Tedim Bible

³¹ A naseppih dangte in hih thupiang a theih uh ciangin dahhuaisa mahmah uh ahih manin, a thupiang khempeuh kumpipa kiangah a ko uh hi.

Tedim Bible Revision 2017

³¹ A nasep pih dangte in hih thupiang a theih uh ciangin dahhuai sa mahmah uh ahih manin, a thupiang khempeuh kumpipa kiangah a ko uh hi.

Mattiu 18:31 Referans Kwoze

ROM (Romans) 12:15

A lungdam mite lungdampih unla, a dah mite dahpih un.

Hebru 13:3

Amaute tawh thong a kiakhawm bangin kingaihsunin thong sunga om mite na phawk un. Note zong leitung pumpi mah tawh a nungta lai na hih manun gimna a thuak mite na phawk un.

Marka 3:5

Jesuh in hehmai tawh a kiim a pam en kawikawi a, ahi zongin a khialhna uh le a thuphawk theih lohna uh hangin mite khasiathuai a sa zel hi. Tua ciangin a mipa kiangah, “Na khut zan in,” a ci hi. Amah in zong a khut zan a, damin a ngeina bangkik hi.

Luka 19:41

Jerusalem khua hong nai semsem a, a khuapi a muh ciangin Jesuh in tamlawh a,

Luka 14:21

Tua ahih ciangin a nasempa hong ciahin a topa kiangah hih thute hong zasak hi. Tua ciangin innteek pa a heh suak a, a nasempa kiangah, ‘Khuasung kongzing khempeuhah va pai inla, mizawng, khezaw, mittaw, le khebai mite hong paipih in,’ ci-in a sawl leuleu hi.

Jeremiah 9:1

Ka lutang tuikhuk hong hithei hen la, ka mitte khitui nak hong hithei leh ka mite’ kithahlupna hangin a sun a zanin ka kapkap ding hi.

Late 119:136

Mite in nangma thu zui lo uh ahih manin ka khitui hawk luanin a luang hi.

Piancilna 37:2

Jakob innkuante’ tangthu hih bang ahi hi. Josef kum sawm le sagih pha ahih manin a sanggamte tawh tuuhon cing hi. A pa’ zite Bilhah le Zilpah’ tapate tawh tangval ahi uh hi. Josef in a pa uh kiangah amaute’ siat gamtatnate a gen hi.

Hebru 13:17

Na makaite uh thu na mang unla, a genna uh bangin na gamta un. Pasian kiangah amaute in a nasepnate uh a pulak ding uh ahih manin tawlnga loin note hong lunghimawh tawntung uh hi. Amaute’ thu mang le-uhcin a nasepna uhah lungdam mahmah ding uh a, mang kei le-uhcin dah pipi-in na sem ding uh hi. Dah pipi-in a nasepna uh note a dingin zong phattuamna a om tuan hi lo hi.

Late 119:158

Thuman lo mite ka muh ciangin ka kih mahmah hi. Bang hang hiam cih leh amaute in nangma thupiakte zui lo uh hi.

2 KORIN NIHNA 11:21

Tua bangin na om uh zumhuai mahmah hi. Kote ahihleh note tungah ka hong tuaci gamtat ngam kei uh hi. Ahi zongin a kisial ngam om ahihleh kei zong mihai bangin ka hong kisial ngam ding hi.

Mattiu 14:9

Kumpipa dah mahmah hi. Ahi zongin a kiciamnasa ahihna hang leh a leenglate’ maitang a zahtakna hangin a ngetna a kipiak nadingin thu a pia hi.

Mattiu 18:28

“Ahi zongin tua nasempa a paikhiat ciangin ama sum ngun peek zakhat khawng a ba a naseppih dang khat tawh a kituak hi. Tua pa a gawlin manin, ‘Na leiba hong loh in,’ a ci hi.

Mattiu 18:30

Ahi zongin ama thumna sang nuam lo hi. A leiba a lohkhit matengin thongah a kia dingin a khumsak hi.

Mattiu 18:32

Tua ciangin kumpipa in tua nasempa sam a, ‘A gilo nasempa aw, kei kiangah hong thum na hih manin na leiba khempeuh ka hong maisak hi.