Mattiu 18:10 - Tedim Bible

¹⁰ “Hih naupangnote khatpeuh na simmawhkhak loh nadingun kidawm un. Note kiangah kong genin-ah: Amaute a kem vantung mite pen vantungah ka Pa kiangah om tawntung uh hi.

Tedim Bible Revision 2017

¹⁰ “Hih naupangnote khatpeuh na simmawh khak loh nadingun kidawm un. Note kiangah kong genin ah: Amaute a kem vantung mite pen vantungah ka Pa kiangah om tawntung uh hi.

Mattiu 18:10 Referans Kwoze

Late 91:11

Bang hang hiam cih leh nangmah a hong cing dingin amah in ama vantungmi nang hong kemsak ding hi.

Hebru 1:14

Vantung mite pen Pasian’ na a sem, a kimu thei lo khate hi uh a, hotkhiatna a ngah ding mite a huh dingin Pasian in a hong sawl ahi hi.

Late 34:7

Amah a zahtakte’ kiimah Topa’ vantungmi in giahphual sat a, amaute a honkhia hi.

Luka 16:22

Tua ciangin mizawng pa hong si a, vantung a Abraham kiangah a om dingin vantung mite in a paipih uh hi. Mihau pa zong hong si leuleu-in a kivui hi.

Mattiu 24:31

Nakpi takin peengkul hong ging ding a, leitung mun khempeuhah a vantung mite hong paisakin, leimong khat pan mong khat dongin, a teelsa mite a kaikhawmsak ding hi.

Luka 1:19

vantungmi in dawng a, “Kei pen Pasian’ na a sem Gabriel ka hi hi. Nang kiangah thu hong genin, hih lungdamna thu a ko dingin a hong sawl ka hi hi.

Mattiu 18:14

Tua mah bangin vantungah a om na Pa un hih naupangnote khat zong a sih ding a deih kei hi.

Mattiu 18:6

“Ahi zongin kei a hong um hih naupangnote khatpeuh a khialsak mi pen a ngawngah an gawina suang lianpi khat kikhihin tuipi thuk sungah kikhiasuk le ama a dingin hoihzaw thampek ding hi.

Mattiu 2:19

Herod a sih khit ciangin Egypt gam a om Josef kiangah Topa’ vantungmi khat hong kilang a,

Mattiu 2:13

Tua mipilte a ciah khit uh ciangin Josef’ mang sungah Topa’ vantungmi khat hong kilang a, “Kithawi-in naungek le a nu, Egypt gamah taipih in. Pai khia un, ci-in kong genkik matengin tua gamah va om un. Herod in naungek thah dingin hong zong ding hi,” a ci hi.

Mattiu 1:20

Ahi zongin hih bangin thu a ngaihsut laitakin a mang sungah Topa’ vantungmi khat hong kilang a, “David suan Josef aw, Mary sunga nau pen Kha Siangtho in a gaisak ahih manin amah tenpih ngamlah kei in.

1 THESALONIKA MASA 4:8

Tua ahih manin hih thute a thudon lo mi in mite a thudon lo hi loin, note tungah ama Kha Siangtho a hong pia Pasian a thusim lo ahi hi.

1 KORIN MASA 11:22

Hih bangin na gamtat uh, anletui na nek nading uh inn nei lo na hi uh hiam? Tua ahih kei leh Pasian’ pawlpi simmawh bawlin pawlpi mizawngte na maizumsak nopna uh ahi hiam? Hih thu tawh kisai-ah hong pakta ding nong sak uhleh note ka hong pakta het kei hi.

1 KORIN MASA 16:11

Kuamah in na simmawhbawl kha kei unla, kei kiang a hong tunkik theih nadingin nuamtakin a khualzin a hong zoptheih nadingin na huh un. Thu uppih i sanggam dangte tawh kei kiangah a hong pai dingin ka lamet ahi hi.

ROM (Romans) 14:10

Tua ahihleh bang hangin na Khristianpihte uh tungah thu khen a, bang hangin simmawhbawl thei na hi uh hiam? Thukhenna a thuak dingin Pasian’ mai-ah eite khempeuh a ding ciat ding ihi hi.

Sawltak 27:23

Bang hang hiam cih leh kei tawh a kipawl ka biak Pasian’ vantungmi, tuzanin ka kiangah hong pai a,

Sawltak 12:23

Herod in mite, Pasian phatsak loin amah phatsak ahih manin thakhatin Topa’ vantungmi in Herod cinasak a, a hut in amah netumin a si hi.

Sawltak 12:15

Amaute in, “A hai hi teh!” na cihsan lel uh hi. Ahi zongin amah in, “Peter a om taktak mah hi,” a cih teitei ciangin amaute in, “Amah a cing vantungmi hi ding hi,” ci-in a dawng uh hi.

Sawltak 10:3

Khatvei nitak nai thum pawlin maang mu a, Pasian’ vantungmi khat hong pai-in ama kiangah, “Kornelias aw,” ci-in a sapna teltakin a thei hi.

Sawltak 5:19

Ahi zongin tua zanin Topa’ vantungmi khat in thong kongkhakte hong a, sawltakte a paikhiatpih khit ciangin amaute kiangah,

Late 17:15

Kei ka hih leh, thumanna tawh na maitang ka en ding a, ka khanlawh ciangin nangma mel muhna tawh ka lungkim ding hi.

Late 15:4

migilote thusim lo a, ahi zongin Topa a zahtakte a pahtawi mi, ama natna ding nangawnah a ciampel lo mi,

1 KUMPI MASATE 22:19

Tua ciangin Mikaiah in, “Tua ahih ciangin Topa’ thu ngai in: Topa a kumpi tokhom tungah tu-in, ama taklam le a veilamah vantung mihonpi a ding ka mu hi.

1 TIMOTI MASA 4:12

Khangno lai na hihna thu hangin mite’ simmawh dingin na om kei inla, kampauna, gamtatna, itna, upna, le sianthona-ah thu um mite’ etteh dingin na om in.

1 KORIN MASA 9:22

Upna neu mite lakah na ka sep ciangin amaute ka ngahzawh nadingin amaute mah bangin ka gamta hi. Tua ahih manin ahih theihna lam peuhpeuhah mite ka ngahzawh nadingin mi khempeuh’ ngeina ka zui hi.

ROM (Romans) 15:1

Upna lamah a thahat eite in upna zawngkhalte’ ginat lohna i thuakpih ding kilawm hi; eima ut bangin i gamta kei ding hi.

ROM (Romans) 14:21

Midangte in a puklawh theih annekna, zunekna, le na khat peuhpeuh i kikep ding a man pen ahi hi.

Mangmuhna 8:2

Tua ciangin Pasian mai-ah a ding vantungmi sagihte ka mu a, amaute tungah peengkul sagih a kipia hi.

Galati 6:1

Sanggamte aw, mi khatpeuh a gamta khial a om ciangin, Kha Siangtho’ deihna bangin a nungta note in tua a khial pa a manin a gamtatkik theih nadingin thunem zangin na huh un. Note in zong amah bangin ze-etna na tuahkhak loh nadingun na kikem un.

2 KORIN NIHNA 10:10

Mi pawlkhat in, “Paul’ laigelhte khauhin nasia mahmah a, ahi zongin eite kiangah amah a om ciangin bangmah thupi khollo hi,” hong ci uh hi.

2 KORIN NIHNA 10:1

Keimah Paul in Khrih migitna le lungduaina tawh note kiangah ka hong thum hi. Kei pen note tawh ka hong omkhawm laitakin a meidawi, note tawh ka omkhawm loh ciangin a tapkual han in hong kigen hi.

Luka 10:16

Tua ciangin Jesuh in a nungzuite kiangah, “Note’ thu a hong zuite khempeuh, kei’ thu a hong zui hi a, note’ thu a hong zui lote khempeuh, kei’ thu a hong zui lo ahi uh hi. Kei’ thu a hong zui lote khempeuh pen kei a hong sawl pa’ thu a zui lo ahi uh hi,” a ci hi.

Mattiu 12:20

Amah in a zawngkhal mite dopbawl ding a, a cimawh mite tungah migi ding hi. Thuman thutang a gualzawhsak mateng khawl ngei lo ding hi.

Zekhariah 13:7

“Namsau aw, ka tuucingpa a su dingin kipan inla, kei tawh nasem khawm pa langpang in. Tuucingpa sat in. Tuute kithehthang ding a, ka tuute gim ka pia ding hi.

Zekhariah 4:10

A maa uh a telh loh manun ka mite lungkia uh a, ahi zongin Zerubbabel in biakinn lam nasep a makaihna a muh uh ciangin a lung uh damkik ding hi,” hong ci hi. Vantung mi in, “Meivak sagihte pen, leitung khempeuh a etna Topa’ mittang sagih ahi hi,” hong ci hi.

Esther 1:14

Ama gei nai penah a tu mite pen Persia le Media gam ulian sagihte ahi Karshena, Shethar, Admatha, Tarshish, Meres, Marsena, le Memukan-te hi uh a, kumpipa kiangah a hawh thei, kumpi gam sungah ulian pente ahi uh hi.

2 SAMUEL NIHNA 14:28

Tua hi a, kumpipa’ omna-ah pai loin Absalom kum nih bit Jerusalem-ah teng hi.

Hebru 9:24

Tua ahih manin a lim ahi mihingte’ bawl Siangtho Mun sungah Jesuh pai lo a, vantung mahmahah va pai-in Pasian’ omna-ah eite’ tangin tu-in amah a va kilaak ahi hi.