Mattiu 17:9 - Tedim Bible

⁹ Mualtung panin amaute a ciahsuk laitakun Jesuh in nungzuite kiangah, “Sihna panin Mihing Tapa a kithawhkiksak matengin hih na muhte uh kuama kiangah gen kei un,” ci-in thu a pia hi.

Tedim Bible Revision 2017

⁹ Mual tung panin amaute a ciah suk laitakun Jesu in nungzuite kiangah, “Sihna panin Mihing Tapa a kithawhkiksak matengin hih na muhte uh kuama kiangah gen kei un,” ci-in thu a pia hi.

Mattiu 17:9 Referans Kwoze

Marka 8:30

Tua ciangin Jesuh in, “Kua mi ka hi cih thu kuama kiangah gen kei un,” ci-in a nungzuite thu a pia hi.

Luka 8:56

Numeino’ nu le pa in lamdangsa mahmah uh a, ahi zongin hih thupiangte kuama kiangah a gen loh nadingun Jesuh in a kham hi.

Mattiu 17:23

mite in a that ding uh hi. Ahi zongin a ni thum ni-in kihing kiksak ding hi,” a ci hi. Tua thu a zak uh ciangin nungzuite a dah mahmah uh hi.

Mattiu 17:12

Ahi zongin note kiangah kong genin-ah: Elijah hong pai khin napi-in mite in amah thei lo uh ahih manin a ututun a bawl uh hi. Tua mah bangin Mihing Tapa in zong bawlsiatna thuak ding hi,” ci-in a dawng hi.

Mattiu 8:20

Jesuh in, “Ngiate in lup nading kua nei uh a, vasate in zong giah nading bu nei uh hi. Ahi zongin Mihing Tapa in a luptheih nading mun koimahah nei lo hi,” ci-in a dawng hi.

Mattiu 8:4

Tua ciangin Jesuh in ama kiangah, “Hih thupiang kuama kiangah gen masa loin siampipa kiangah va paisuak pahin va kivelsak inla, na damkhitna thu mi khempeuh in a theih nadingin Moses thupiakna tawh kizui-in biakna va pia in,” ci-in a vaikhak hi.

Mattiu 12:16

Pasian in kamsang Isaiah tungtawnin a gen thu a tuntheih nadingin, kuama kiangah ama thu a gen loh nadingun thu a pia hi. Tua a genna-ah,

Mattiu 17:8

Amaute a khuadak uh ciangin Jesuh simloh kuamah dang a mu nawn kei uh hi.

Mattiu 17:20

Jesuh in, “Na upna uh a cingtaak lohna hang ahi hi. Ahi taktakin note kiangah kong genin-ah: Ankam tang cia bang upna na neih nak-uhleh, hih mual kiangah, ‘Hih lai panin hua lai-ah kin in,’ ci le-uhcin kinkhia ding hi. Na hih theih loh uh khat zong om lo ding hi.

Mattiu 17:22

Galilee gam sungah a om laitakin Jesuh in a nungzuite kiangah, “Mihingte khut sungah Mihing Tapa kipia ding a,

Luka 9:36

Tua awging a bei khit ciangin Jesuh guak bek hong om hi. Nungzuite in hih a muhsa uh thu tua hun sawngteng kuama kiangah gen loin a imcip uh hi.