Mattiu 17:3 - Tedim Bible

³ Tua lai-ah Moses le Elijah hong omvat uh a, Jesuh tawh a kiho a mu uh hi.

Tedim Bible Revision 2017

³ Tua lai ah Moses le Elijah hong om vat uh a, Jesu tawh a kiho a mu uh hi.

Mattiu 17:3 Referans Kwoze

Luka 24:44

Tua ciangin Jesuh in amaute kiangah, “Tu-a thupiang khempeuh pen note tawh kong omkhawm lai-a ka gengen thute mah ahi hi. Moses Thukham laibu sung, kamsangte laibu sung le Late sungah a kigelh thu khempeuh a tung ding ahi hi,” a ci hi.

Marka 9:4

Tua lai-ah Elijah le Moses hong omin, Jesuh tawh a kiho a mu uh hi.

Malakhi 4:5

“Ahi zongin tua a lauhuai lian mahmah Topa’ ni hong tun ma-in note kiangah kamsang Elijah kong paisak ding hi.

Luka 24:27

Tua ciangin Jesuh in Lai Siangtho sungah ama thu a kigennate khempeuh, Moses laibu a kipanin kamsangte’ laibu khempeuh a khiatna a gen hi.

Luka 16:16

“Tuiphumpa Johan’ hun ciang dong Moses Thukham le kamsangte’ thugente pen zuih belin kinei a, ahi zongin Pasian’ Ukna hangin Lungdamna Thu a kihilh hun a kipanin hih thu-ah mi khempeuh hong kituhteh uh hi.

Luka 9:33

A mite, Jesuh kiang panin a paikhiat laitakin Peter in bang gen ka hi hiam, cih mel zong a thei lopi-in Jesuh kiangah, “Topa aw, hih lai-a i om, nuam mahmah hi. Nang a’ ding buk khat, Moses a’ ding buk khat, Elijah a’ ding buk khat, buk thum kong lamsak ding uh hi,” a ci hi.

Luka 1:17

Amah pen kamsang Elijah mah bangin thahatna le vangliatna tawh Pasian mai-ah hong mapai ding hi. Pate le tate kilemsakkikin, mihoihte’ lungsim bang a neih nadingun thumang lo mite’ lungsim heisak ding a, Topa a dingin a kilawm dingin mite a bawlkhol ding hi,” a ci hi.

1 KUMPI MASATE 17:1

Tu-in Gilead gam sung Tishbe khua panin Tishbe mi Elijah in Ahab kiangah, “A mai-ah ka dinna Israel Pasian, Topa a nungta ahih mah bangin keima thu tawh loin daitui ahi a, guah ahi zongin hong tung ding kumte sungah om lo ding hi,” a ci hi.

Thu-hilhkikna 34:10

Israel mite sungah Moses bangin Topa in maitang kimu-in a theih kamsang dang kuamah om lo hi.

Thu-hilhkikna 18:18

Amau sanggamte lak panin nang tawh a kibang kamsang khat amaute a dingin ka khangsak ding hi. Ama gen dingte ka hilh ding a, amah ka thupiak khempeuh amaute tungah a gen ding hi.

Johan 1:17

Pasian in Moses tungtawnin Thukham hong pia a, ahi zongin Jesuh Khrih hangin itna le cihtakna thu hong pai hi.

Mattiu 17:2

Tua lai mun panin amaute’ muhtangpi mahin Jesuh a mel kikheel a, a maitang ni bangin taangin, a puante khuavak bangin a ngo hi.

Mattiu 17:4

Tua ciangin Peter in Jesuh kiangah, “Topa aw, hih lai-ah i om, nuam mahmah hi. Hoih na sak leh, nang a’ ding buk khat, Moses a’ ding buk khat, Elijah a’ ding buk khat, buk thum ka hong lamsak ding uh hi,” a ci hi.