Mattiu 17:18 - Tedim Bible

¹⁸ Jesuh in tua naupang’ sung panin dawi a paikhiat nadingin thu pia a, a naupang thakhatin a dampah hi.

Tedim Bible Revision 2017

¹⁸ Jesu in tua naupangʼ sung panin dawi a paikhiat nadingin thu pia a, a naupang thakhatin a dam pah hi.

Mattiu 17:18 Referans Kwoze

Mattiu 9:22

Jesuh zong hong kihei a, tua numei a muh ciangin, “Ka tanu aw, na lung kinuamsak in. Na upna in nang hong damsak khinta hi,” a cih khit phetin tua numei a dampah hi.

Sawltak 16:18

Tua bangin ni tampi sung awng ngitnget ahih manin a sawtna ciangin Paul in nawngkaisa ahih manin kihei-in a dawi kiangah, “Hih numei sung panin na paikhiat nadingin Jesuh Khrih min tawh thu kong pia hi,” a cihkhit phetin, tua numei sung panin dawi a paikhia pah hi.

Luka 9:42

A naupang hong pai laitakin dawi in leilakah tuksakin a kongkawcipsak hi. Ahi zongin Jesuh in a dawi taii a, naupang damsakin, a pa kiangah a piakik hi.

Luka 8:29

Hih bangin a cihna pen, ama sung panin dawi a paikhiat nadingin Jesuh in thu a piakna hang ahi hi. Dawi in tua mipa tamveipi tak man a, a khut le a khete sikkhau tawh khihin a kikepcip hangin a sikkhaute peksat a, dawi in gamlakah a paikhiatpih hi.

Marka 5:8

(Hih bangin a cihna pen, Jesuh in, “Dawi aw, hih mipa sung panin paikhia in,” a cihna hang ahi hi.)

Marka 1:34

Jesuh in natna namkim a vei mi tampi damsak a, dawi tampi tak zong a hawlkhia hi. Dawite in Jesuh thei uh ahih manin, Jesuh in dawite thu gensak lo hi.

Mattiu 15:28

Tua ciangin Jesuh in tua nupi kiangah, “Nupi aw, na upna lian taktak hi. Na deihna bangin hong piang ding hi,” ci-in a dawn khit ciangin a tanu thakhatin a dampah hi.

Mattiu 12:22

Tua ciangin mi pawlkhat in Jesuh kiangah mittawt le pau theih loh a thuah dawivei mi khat hong paipih uh hi. Jesuh in amah damsak ahih manin amah hong pauthei-in khua zong hong muthei hi.

Luka 4:41

Mi tampi sung panin dawite zong taikhia uh a, “Nang pen Pasian’ Tapa na hi hi,” ci-in a kiko uh hi. Amah pen Khrih ahihlam thei uh ahih manin amaute taii-in pausak lo hi.

Mattiu 17:17

Jesuh in, “Upna nei lo, a ngaihsun khial mite aw, note bang tanvei hong ompih ding a, bang tanvei hong kikholhpih ding ka hi hiam? A naupang hong paipih un,” a ci hi.

Mattiu 17:19

Tua ciangin amau guak a om laitakun nungzuite in Jesuh kiangah, “Bang hangin kote in tua dawi hawlkhia thei lo ka hi uh hiam?” ci-in a dot uh ciangin