Mattiu 16:18 - Tedim Bible

¹⁸ Ke’n kong genin-ah: Nang pen suangneu a cihnopna Peter na hi hi. Hih suangpi tungah ka pawlpi ka lam ding a, sihna nangawn in zo zo ngei lo ding hi.

Tedim Bible Revision 2017

¹⁸ Keʼn kong genin ah: Nang pen suangneu a cihnopna Peter na hi hi. Hih suangpi tungah ka pawlpi ka lam dinga, sihna nangawn in zo zo ngei lo ding hi.

Mattiu 16:18 Referans Kwoze

Isaiah 28:16

Tua ahih ciangin Topa Pasian in, “En un, keimah in Zion sungah bulpi ding khat, suang, a kize-etsa suang, a manpha innkiu suang, bulpi muanhuai khat ka koih hi. Tua suang tungah, ‘Hih a um mi in lungkhamna tuaklo ding hi,’ ci-in kigelh hi.

Kolose 1:18

Na khempeuhah amah a lianpen ahih theih nadingin, amah pen pawlpi ahi ama pumpi lutang hi a, pawlpi’ nuntakna a kipatna hi a, sihna panin a kithokiksak Tapa cil ahi hi.

Johan 1:42

Tua ciangin Jesuh kiangah a u Simon a paipih hi. Jesuh in amah enin, “Nang pen Johan’ tapa Simon na hi hi. Tu a kipanin Sifas hong kici ding hi,” a ci hi. Sifas pen Peter tawh a kibang hi a, suangtum a cihna ahi hi.

Hebru 12:28

Tua ahih manin a kilingsak zo lo Pasian’ gam i ngah manin lungdamin, zahtakna le lamdangsakna tawh Pasian’ lungkimna bangin amah bia ni.

Sawltak 2:47

Pasian phat uh a, khatlekhat thupha kideihsakin a om uh hi. Pasian in nisimin hotkhiatna a ngah mi kibehlapsak tawntung hi.

1 TIMOTI MASA 3:15

Ahi zongin ka hong zekai khak zenzen leh thuman thutak khuampi le bulpi, a nungta Pasian’ pawlpi ahi Pasian’ innkuan sungah bangci gamtat ding cih na theih nadingin hih ka hong laikhak in lam hong lak ding hi.

Isaiah 54:17

Nangmah do nadingin a kibawl hiam peuhmah maavang lo ding a, thukhenna sungah na langah a pang mi khempeuh na nialgawpzo ding hi. Hih thu pen Topa’ nasemte’ gamhluah le keima kiang panin amaute’ dikna a kilahna ahi hi, Topa in ci hi,” a ci hi.

Efesa 5:32

Pasalte in amau pumpi zahin a zite uh itin, zite in zong amau pumpi zah mahin a pasalte uh a it ding uh ahih mah bangin, Lai Siangtho in hih bangin a gen ciangin a thukzaw khat, Khrih le pawlpi a ki-itna a gennopna ahi hi, ci-in ka ngaihsun hi.

Paunak 24:7

Pil kampauna pen mihaite’ theihzawh dingin thuk lua mahmah a, mihaite in mihon lakah thu gen ngam lo uh hi.

JOB (Job) 38:17

Misite’ gam khuamial kongkhakpi, mi khatpeuh in nang hong lak ngei ahi hiam?

Mangmuhna 21:14

Tua khuapikulh pen kulh tawphah suang sawm le nih tungah a kiciang hi a, tua suangtawphahte tungah Tuuno sawltak sawm le nihte’ min kigelh hi.

Sawltak 8:1

Hih Stefen thahna thu-ah Saul in zong thukimpih hi. Tua ni a kipanin Jerusalem khua-a om pawlpite in nakpitakin bawlsiatna thuak ding kipan uh hi. Sawltakte simloh, thu um midang khempeuh, Judea gam le Samaria gamah kithehthang gawp uh hi.

Late 9:13

Ka tungah hong dik in, Topa! Sihna pan hong honkhia pa aw, kei hong mudahte’ hangin keima gim thuaknate hong en inla,

1 TIMOTI MASA 3:5

Bang hang hiam cih leh mi khatpeuh in a innkuan sung ukzia ding a theih kei leh Pasian’ pawlpi kem thei lo ding hi.

Galati 2:9

Makai a kinei James, Peter, le Johan-te in Gentail mite lakah nasem dingin Pasian in kei hong sehna thu thei uh ahih manin, Pasian sungah nasemkhawm khat ihi hi, cih hong lahna uh limin kei le Barnabas tawh khut kiletna hong bawl uh hi. Kei le Barnabas in Gentail mite lakah na semin amaute in Jew mite lakah na a sep nading uh thukimna ka nei uh hi.

Mattiu 18:17

Amah in tua mite’ thu a mannop kei leh pawlpite tungah a thu ko un. Pawlpite’ thu nangawn a mannop kei leh Gentail mite le siahdongte bangin na ngaihsun un.

Mattiu 11:23

Kapernaum khuapi mite aw, van a sangna munah hong kipahtawi ding sa na hi uh hiam? Hell khuk sungah hong kilawnsuk ding hi. Bang hang hiam cih leh note’ khuasunga hong kibawl na lamdangte, Sodom khua sungah kibawl hileh tuni dongin tua khua kip lai ding hi.

Mattiu 10:2

Tua sawltak sawm le nihte’ min in: A masa-in Simon (Peter zong a kici pa) le a naupa Andru, Zebedi’ tapa James le a naupa Johan,

Late 69:12

Kongzing lakah mite’ gengen ka hi a, zukhamte in keima thu la-in hong sa uh hi.

Piancilna 22:17

Nang thupha kong pia taktak ding a, na suanlekhakte vana aksite le tuipi gei-a sehnel bangin tampi ka phasak ding hi. Na suanlekhakte in amau’ galte’ khuapite luah ding uh a,

Mangmuhna 11:15

Tua ciangin a sagihna vantungmi in a peengkul hong tum a, vantungah nakpitakin aw hong ging a, “Leitung uk nading aana neihna pen i Topa Khrih a’ hong suakkhin a, amah in a tawntungin uk paisuak ding hi,” hong ci hi.

1 KORIN MASA 15:55

Sihna aw, na gualzawhna koi-ah om a, midangte na suksiat zawh nading na thahatna koi-ah omta ahi hiam?” na ci hi.

Isaiah 38:10

Ka hat saan laitakin a si ding ka hita a, ka hun omlai khempeuh Leinuai-ah a om dingin hong kiseh hita hi, ka ci hi.

Isaiah 28:6

Thukhenin a tupa tungah thutang lungsim guan ding a, khuapikulh hong luh galte a notkhia ding mite tungah hanna lungsim guan ding hi.

Late 107:18

Amaute in an peuhmah kih uh a, sihna kongpi tawh amaute kinai ta uh hi.

2 SAMUEL NIHNA 18:4

Kumpipa in amaute kiangah, “Note in hoih na sak pen bangun ka gamta ding hi,” a ci hi. Tua ahih ciangin galkap khempeuh a zaza le a tultulin a paikhiat laitakun kulhkongpi pangah kumpipa ding hi.

Late 127:5

A thallawng dimin tua bang thaltang a nei pa mi lungdam ahi hi. Amah guallel ngei lo ding a, zahhuai ngei lo ding hi.

Late 129:2

“Ka neu lai a kipanin nakpitakin amaute in kei hong gimsak uh a, ahih hangin amaute in kei hong zo nai lo uh hi.

Jonah 2:6

Mualte’ bul tuipi taw dong ka va paisuk a, kong hong kikhaknelh tawntungna mun ka tun hangin tua Leihawmpi sung panin a nungta-in nong lato veve hi, Topa ka Pasian aw.

Mattiu 4:18

Galilee Tuili gei-ah Jesuh a pai laitakin ngabeng Peter a kici Simon le a nau Andru, ngen tawh nga khuhin a om a mu hi.

Mattiu 7:24

“Ka thuhilhna za-in a zui mi khempeuhte pen suang tungah a inn a lam mipil pa tawh kibang ding hi.

Sawltak 20:28

Kha Siangtho in note’ khut sungah a hong koih pawlpi mite le nomau pumpi mahmah limtakin na kem un. Pasian in a Tapa a sihna tawh a ngah a pawlpi hoihtakin a kemte na hi ta un.