Mattiu 15:33 - Tedim Bible

³³ Nungzuite in, “Mihon hih zah i piak ding, hih gamlakah koi panin an ngah ding ihi hiam?” a ci uh hi.

Tedim Bible Revision 2017

³³ Nungzuite in, “Mihon hih zah i piak ding, hih gamlak ah koi panin an ngah ding ihi hiam?” a ci uh hi.

Mattiu 15:33 Referans Kwoze

Luka 9:13

Ahi zongin Jesuh in amaute kiangah, “A nek dingun nektheih khat peuhpeuh pia un,” a cih ciangin amaute in, “Kote va pai-in hih mi khempeuhte a dingin an va lei ding ka hih kei buang uhleh, anlum nga le ngasa tawn nih cih simloh bangmah dang om lo hi,” ci-in a dawng uh hi.

Marka 6:37

Ahi zongin Jesuh in, “Amaute’ nek ding bangkhat peuhpeuh pia un,” a ci hi. A nungzuite in, “Ngun peek zanih tawh anlum va lei-in amaute’ nek dingin pia ding ka hi uh hiam?” ci-in a dong uh hi.

Mattiu 14:15

Ni a tum kuan ciangin nungzuite in Jesuh kiangah, “Hih lai mun gamlak hi a, ni zong tum dektak ta hi. Hih kiimnai-a om khuate-ah mite va pai-in a an ding uh a lei nadingun sawlkhia in,” a ci uh hi.

Mattiu 15:32

Tua ciangin Jesuh in a nungzuite sam a, “Kei kiangah hih mite ni thum bang hong omkhin uh a, amaute in annek ding nei nawn lo uh ahih manin hehpihhuai ka sa hi. Lamkalah cimawh kha ding uh ahih manin gilkialin ka ciahsak nuam kei hi,” a ci hi.

Mattiu 15:34

Jesuh in, “Anlum bangzah nei na hi uh hiam?” a cih ciangin, “Lum sagih le ngasa neu tawm khat om hi,” a ci uh hi.