Mattiu 15:22 - Tedim Bible

²² Tua gamah a teng Kanaan nupi khat hong pai-in hong kiko a, “David’ suan, Topa aw, kei hong hehpih in. Ka tanu in dawi vei a, nasia mahmah hi,” ci-in a hong thum hi.

Tedim Bible Revision 2017

²² Tua gamah a teeng Kanaan nupi khat hong pai-in hong kiko a, “Davidʼ suan, Topa aw, kei hong hehpih in. Ka tanu in dawi vei a, nasia mahmah hi,” ci-in a hong thum hi.

Mattiu 15:22 Referans Kwoze

Mattiu 9:27

Tua lai panin Jesuh a paikhiat ciangin mittaw mi nih in a nungah hong zui-in nakpitakin kiko uh a, “David’ suan Jesuh aw, kote hong hehpih in,” ci-in a thum uh hi.

Mattiu 17:15

“Topa aw, nong hehpihna-in ka tapa hong damsak in. Amah in sihbup natna nei-in gim mahmah hi. Meikhuk sungah ahi a, tui sungah ahi zongin a puk zel hi.

Late 4:1

A thuman ka Pasian aw, ka hong sap ciangin hong dawng in. Gimna ka thuak ciangin nopsakna nong pia hi. Kei hong hehpih inla, ka thungetna hong za in.

Luka 18:13

Ahi zongin siahdongpa pen a gamla simah ding a, vantung lamah zong dak ngam loin a dip humin kuncip a, ‘Pasian aw, kei mimawh mi khial pa hong hehpih in,’ ci-in a ngen hi.

Luka 17:13

nakpitakin kiko-in, “Topa Jesuh aw, kote hong hehpih in,” a ci uh hi.

Mattiu 4:24

Syria gam sung khempeuhah ama thu kizel ahih manin dawivei mi, sibup mi, khutzaw khezaw mi a kipanin natna satna a tuamtuam a nei mi khempeuh ama kiangah hong kipuak a, amah in a vekpi-in a damsak hi.

Mattiu 1:1

Abraham’ suan David, David’ suan Jesuh Khrih’ khang ciaptehna hih bang ahi hi.

Ezekiel 3:6

A pau na theih loh, pau haksa a zang minam liante kiangah nang hong sawl hi leng, amaute in na thugen hong mang ding uh hi.

Late 45:12

Mi haupen ahi Taia mite in na manpha namkim letsong tawh nang hong maivil ding uh hi.

Late 6:2

Topa aw, thaneem ka hih manin kei tungah dikna hong zang in. Topa aw, ka guh ka taang na mahmah ahih manin hong damsak in.

Mattiu 15:23

Ahi zongin Jesuh in kam khat beek paupih lo hi. Tua ciangin a nungzuite in Jesuh kiangah, “Hih nupi i nung zui-in kikoko ahih manin a ciah nadingin sawl in,” ci-in a thum uh hi.

Luka 6:18

Tua mite pen ama thuhilhna a ngai ding le a natna uh panin damna a ngahnop manun a hong pai uh ahi hi. Dawi a vei mite zong hong pai uh a, damna a ngah uh hi.