Mattiu 15:1 - Tedim Bible

¹ Tua ciangin Jerusalem khua panin Farisi mite le Thukham hilh siate, Jesuh kiangah hong pai uh a,

Tedim Bible Revision 2017

¹ Tua ciangin Jerusalem khua panin Farisi mite le Thukham hilh siate, Jesu kiangah hong pai uh a,

Mattiu 15:1 Referans Kwoze

Sawltak 23:9

Amau’ kitotna awging hupha semsem a, Farisi mite pawlsung a om Thukham hilh siate pawlkhat hong dingin nakpitakin hong pau uh a, “Hih mipa tungah khialhna themkhat zong om lo hi. Vantung mi ahi a, Pasian’ sawl khat peuhpeuh in ahi zongin ama tungah thu a gen hi khathei ding hi,” a ci uh hi.

Luka 5:30

Farisi mite le amau sung panin Thukham hilh siate, nungzuite tungah phun uh a, “Bang hangin siahdongte le thukham khial mite tawh an nekhawm na hi uh hiam?” a ci uh hi.

Luka 5:21

Tua ciangin Thukham hilh siate le Farisi mite in a lungsim sung uhah, “Hih bangin Pasian tawh a kikimin a pau ngam mipa kua ahi hiam? Mihing kuamah in mawhna maisak thei lo a, Pasian bek in maisak thei hi,” a ci uh hi.

Luka 5:17

Khatvei, Jesuh in thu hilhin a om laitakin Galilee gam, Judea gam, le Jerusalem khua panin a hong pai Farisi mi pawlkhat le Thukham hilh siate pawlkhat hong om hi. Cina damsak theih nading Topa’ vangliatna, Jesuh tungah kipia hi.

Marka 3:22

Jerusalem khua pan a hong pai Thukham hilh siate pawlkhat in, “Hih pa sungah Beelzebul lut hi. Dawimangpa in ama tungah dawi hawlkhiat theih nading vangliatna pia hi,” a ci uh hi.

Mattiu 23:2

“Thukham hilh siate le Farisi mite, Moses’ aana a nei-in thugente ahih manun,

Mattiu 5:20

Tua ahih manin Pasian’ deihna bangin gamtat nading thu-ah Thukham hilh siate le Farisi mite sangin na cihtakzawk uhleh vantung ki-ukna sungah a om thei bek ding na hi uh hi.

Johan 1:19

Jerusalem khua-a Jew mi uliante in Johan kiangah siampite le Levi mite paisak uh a, “Nang kua na hi hiam?” ci-in a dongsak uh hi.

Sawltak 25:7

Paul hong kipaipih ciangin Jerusalem khua panin a hong pai Jew mite in amah umcih a, thu lianpipi tawh Paul a mawhsakna uh tampi gen uh a, ahi zongin a mawhsaknate uh man hi, ci-in a lahtel theih uh bangmah om lo hi.